9 جولائی کے بعد ٹیرف روک میں توسیع کا کوئی ارادہ نہیں: ٹرمپ

واشنگٹن، 2 جولائی (یواین آئی) امریکی صدر ڈونالڈ ٹرمپ نے اعلان کیا ہے کہ وہ باہمی تجارتی محصولات کی معطلی میں توسیع کا ارادہ نہیں رکھتے، جس کی میعاد 9 جولائی کو ختم ہو رہی ہے۔یہ معلومات میڈیا رپورٹس سے سامنے آئی ہیں۔مسٹر ٹرمپ نے اے ایف 1 پر نامہ نگاروں کو بتایا، “نہیں، میں ٹیرف روک میں توسیع کے بارے میں نہیں سوچ رہا ہوں۔”انہوں نے یہ بھی بتایا کہ ان کی انتظامیہ جلد ہی امریکی تجارتی شراکت داروں کو ایک خط بھیجے گی جس میں انہیں امریکہ کے ساتھ تجارت کے ان کے حق پر مبارکباد دی جائے گی۔امریکی صدر نے کہا کہ عائد کردہ ٹیرف سے امریکہ کو تقریباً 129 ارب ڈالر کی آمدنی ہوئی ہے اور مستقبل میں مزید محصولات حاصل کرنے کا امکان ہے۔قبل ازیں گزشتہ جمعرات کو مسٹر ٹرمپ نے اعلان کیا تھا کہ امریکہ نے چین کے ساتھ ایک تجارتی معاہدے پر دستخط کیے ہیں اور اشارہ دیا تھا کہ ہندوستان کے ساتھ ایک بڑا معاہدہ جلد ہی ہو سکتا ہے۔قابل ذکر ہے کہ 2 اپریل کو، امریکی صدر نے ایک ایگزیکٹو آرڈر پر دستخط کیے جس میں دوسرے ممالک سے درآمدات پر ٹیرف لگایا عائد کیے گئے تھے۔ بیس ٹیرف کی شرح 10 فیصد مقرر کی گئی تھی، جس میں ہر مخصوص ملک کے ساتھ امریکی تجارتی خسارے کی بنیاد پر 57 ممالک پر زیادہ شرح نافذ کی گئی۔مسٹر ٹرمپ نے 9 اپریل کو کہا کہ 75 سے زائد ممالک پرٹیرف کو 90 دنوں کے لیے 10 فیصد تک کم کردیاجائے گا۔ زیادہ تر ممالک کے لیے 90 دن کا وقفہ 8 جولائی کو ختم ہو جائے گا۔دریں اثنا، چین پر ٹیرف کی 90 روزہ معطلی 12 اگست کو ختم ہونے والی ہے۔جو اس نظام کا حصہ ہے۔