گلاسگو، 21 جون (ہ س)۔ سہ فریقی ٹی 20 سیریز کے آخری میچ میں اسکاٹ لینڈ نے نیپال کو 34 رن سے شکست دے کر پوائنٹس ٹیبل پر سرفہرست ہے۔ اس سیریز میں ہالینڈ کو بھی شامل کیا گیا اور تینوں ٹیموں نے چار میں سے دو میچ جیتے تاہم اسکاٹ لینڈ نے بہتر نیٹ رن ریٹ کی بنیاد پر سیریز جیت لی۔ اسکاٹ لینڈ نے میچ میں جارحانہ آغاز کیا۔ اوپنر جارج منسی اور نمبر 3 بلے باز برینڈن میک ملن کے درمیان 100 رن کی شراکت نے ٹیم کو مضبوط پوزیشن میں پہنچا دیا۔ منسی نے 39 گیندوں پر 78 رن بنائے جس میں انہوں نے کئی چوکے اور چھکے لگائے۔ میک ملن نے 42 رنوں کاتعاون دیا۔ اسکاٹ لینڈ نے 10 رن فی اوور کی شرح سے اسکور کرتے ہوئے 193/5 کا مجموعی اسکور کیا۔ آخر میں، مائیکل لِسک (26) اور میتھیو کراس (17) نے آخری تین اوورز میں 35 رن جوڑ کر اسکور کو مضبوط کیا۔نیپال کی شروعات لڑکھڑاتی ہوئی رہی اور اس نے صرف 5.1 اوور میں چار وکٹ گنوا دیے۔ کشل بھرتیل پہلے ہی اوور میں آوٹ ہوئے جبکہ بھیم شرکی اور عارف شیخ کو صفیان شریف نے پویلین بھیج دیا۔ آصف شیخ رن آوٹ ہوئے۔ تاہم چھٹے نمبر پربلے بازی کرنے والے دیپیندر سنگھ ایری نے کچھ دیر تک جدوجہد کی اور 33 گیندوں میں 34 رن بنائے۔ وہ اس میچ میں نیپال کے لیے سب سے زیادہ ٹی20 انٹرنیشنل میچ کھیلنے والے کھلاڑی بھی بن گئے۔ لیکن جیسے ہی ایری کے آوٹ ہوئے، نیپال کی امیدیں تقریباً ختم ہو گئیں۔ لیگ اسپنر کرس گریوز نے 3 وکٹیں لے کر نیپال کی کمر توڑ دی۔ ایری کے علاوہ انہوں نے سندیپ لامیچھانے اور ریجن ڈھاکل کو بھی آوٹ کیا۔ اگرچہ روپیش سنگھ نے نچلے آرڈر میں 22 گیندوں میں 43 رن کی تیز اننگز کھیلی لیکن انہیں دوسرے اینڈ سے کوئی سہارا نہیں ملا اور نیپال کی پوری ٹیم 19ویں اوور میں 159 رن پر آل آوٹ ہوگئی۔
اسکور کارڈ:
اسکاٹ لینڈ: 193/5 (منسی 78، میک ملن 42، بھرتیل 2/20) نیپال: 159 آل آوٹ (روپیش 43*، ایری 34، گریویز 3/27، شریف 2/7) نتیجہ: اسکاٹ لینڈ نے نیپال کو 34 رن سے شکست دی
سیریز ختم: اسکاٹ لینڈ – 2 جیت (بہترین نیٹ رن ریٹ کے ساتھ سرفہرست) نیپال – 2 جیت (دوسرے مقام پر) نیدرلینڈز – 2 جیت (تیسرے مقام پر)
اسکاٹ لینڈ نے نیپال کو شکست دے کر سہ فریقی ٹی20 سیریز جیت لی
