![](https://jadeedbharat.com/wp-content/uploads/2023/11/RamChander-Singh-Congress-750x450.jpg)
152views
جدید بھارت نیوز سروس
رانچی، 17 نومبر:۔ مانیکا کے ایم ایل اے رام چندر سنگھ اس بار بہترین ایم ایل اے منتخب ہوئے ہیں۔ یہ فیصلہ اسمبلی اسپیکر رویندر ناتھ مہتو کی رہائش گاہ پر منعقد ایم ایل اے ایکسیلنٹ ایوارڈ سلیکشن کمیٹی کی میٹنگ میں لیا گیا۔ انہیں اسمبلی کے 23 ویں یوم تاسیس کی تقریب میں اعزاز سے نوازا جائے گا۔ اس میٹنگ میں اسپیکر رویندر ناتھ مہتو، قائد حزب اختلاف امر کمار بوری، پارلیمانی امور کے وزیر عالمگیر عالم، ایم ایل اے اسٹیفن مرانڈی، کملیش سنگھ اور آنند موہن موجود تھے۔ قابل ذکر ہے کہ جھارکھنڈ اسمبلی کے یوم تاسیس کے موقع پر 22 اور 23 نومبر کو اسمبلی میں ایک پروگرام کا انعقاد کیا جائے گا۔ اس سلسلے میں اسمبلی اسپیکر رویندر ناتھ مہتو نے محکمہ کے عہدیداروں کے ساتھ ایک اعلیٰ سطحی میٹنگ کی۔
![Follow us on Google News](https://jadeedbharat.com/wp-content/uploads/2024/01/GoogleNews.png)