ریاستی کا بینہ کی میٹنگ میں17 تجاویز کو منظوری دی گئی؛نئی آبکاری پا لیسی کا نفا ذ ایک ما ہ میں
جدید بھارت نیوز سروس
رانچی 15 مئی : جھارکھنڈ کے وزیر اعلیٰ ہیمنت سورین کی زیر صدارت آج یہاں ہو ئی کابینہ کی میٹنگ میں کل 17 تجاویز کومنظوری دی گئی۔ اجلاس میں شراب کی مصنوعات کی پالیسی کی منظوری دی گئی ہے۔ نئی پالیسی 1 ماہ میں نافذ ہو جائے گی۔ اس کے علاوہ خوردہ فروخت اب نجی ہاتھوں میں رہے گی۔ ہول سیل کی ذمہ داری ریاستی حکومت (JSBCL) کے ہاتھ میں رہے گی۔ ریاست میں کل 1453 دکانیں ہیں۔ تمام دکانوں کی الاٹمنٹ قرعہ اندازی کے ذریعے کی جائے گی۔کابینہ کی میٹنگ میں 70 سال سے زیادہ عمر کے لوگوں کو چیف منسٹر آیوشمان یوجنا سے جوڑنے کی تجویز پر بھی اتفاق کیا گیا۔ اس کے علاوہ این سی سی کیڈیٹس کے یومیہ الاؤنس کو 150 روپے سے بڑھا کر 210 روپے یومیہ کرنے کا فیصلہ بھی طے پایا۔مدھو پور اربن واٹر سپلائی اسکیم کے لیے کل 76 کروڑ روپے مختص کیے گئے تھے۔عالمی بینک کے تعاون سے جھارکھنڈ میونسپل ڈیولپمنٹ پروجیکٹ کے تحت 10 کروڑ روپے کی رقم مختص کی گئی تھی۔ریٹائرڈ کلرکوں کی خدمات کو ریگولرائز کرنے اور انہیں قابل قدر مالی فوائد فراہم کرنے کی منظوری دی گئی۔سرکاری پروگرام پرواز کے لیے نامزدگی کی بنیاد پر فضائی سروس کی مدت میں توسیع کی گئی۔گریڈیہہ کے بڑکی ٹا نڑ-تین پلی- دوکیڈیہہ-گرنیا موڑ سڑک کے تعمیراتی کام کے لیے 55 کروڑ روپے کی رقم منظور کی گئی۔ اجلاس میںشیخ بھکاری میڈیکل کالج، ہزاری باغ، پھو لو جھانو میڈیکل کالج،دمکا اور مید نی را ئے میڈیکل کالج، پالامو کی لفٹوں کی دیکھ بھال کی تجویز کی منظوری اورفیکٹری ترمیمی بل کو بھی منظوری دے دی گئی۔سپلیمنٹری نیوٹریشن کے تحت ڈسٹری بیوشن ایجنسیکی مدت میں توسیع اورنئے جیل مینوئل کو بھی منظوری دے دی گئی۔ووکیشنل ایجوکیشن کورسز کی فیس بھی مقرر کر دی گئی ہے۔
