تنظیمی طاقت کے ساتھ بہار انتخابات پر بنائی گئی حکمت عملی
جدید بھارت نیوز سروس
رانچی، 25 مارچ:۔ لوک جن شکتی پارٹی (رام ولاس) جو گزشتہ جھارکھنڈ اسمبلی انتخابات میں اپنا کھاتہ کھولنے میں کامیاب رہی تھی، ان دنوں ریاست میں تنظیمی طاقت پر زور دے رہی ہے۔ اس کے تحت پارٹی نے منگل کو راجدھانی راچی کے پرانے اسمبلی کمپلیکس میں ریاستی کمیٹی کی میٹنگ کی۔ جس میں ایم ایل اے جناردن پاسوان کے علاوہ کئی عہدیدار موجود تھے۔ ریاستی صدر بیرندر پردھان کی قیادت میں ہوئی اس میٹنگ میں جھارکھنڈ سے لیڈروں اور کارکنوں کو بھیجنے کا فیصلہ کیا گیا تاکہ آنے والے بہار اسمبلی انتخابات میں پارٹی امیدواروں کی جیت کو یقینی بنایا جا سکے۔ اس کے ساتھ ریاست میں ہونے والے بلدیاتی انتخابات کے حوالے سے بھی بات چیت کی گئی۔ ریاستی صدر بیریندر پردھان نے جانکاری دیتے ہوئے کہا کہ پارٹی کی جانب سے رکنیت سازی مہم شروع کی جارہی ہے۔ جس کے لیے تمام اضلاع میں ممبر سازی مہم کے انچارج کا تقرر کیا جا رہا ہے۔ ساتھ ہی بلدیاتی الیکشن لڑنے کے خواہشمند پارٹی رہنماؤں کی فہرست بھی تیار کی جا رہی ہے۔ ایل جے پی (رام ولاس) کے ایم ایل اے جناردن پاسوان نے تنظیمی طاقت پر زور دیا۔ انہوں نے کہا کہ جب ہم کمزور تھے تب بھی ایک سیٹ پر الیکشن لڑا اور جیتنے میں کامیاب ہوئے۔ اس وقت پارٹی مضبوط کھڑی ہے۔ ہمارا مقصد پارٹی کو مضبوط کرنا ہے۔ تاکہ بلدیاتی اداروں کے انتخابات جیت جائیں۔ جناردن پاسوان نے کہا کہ ایل جے پی این ڈی اے کے ساتھ ہے اور ہم بہار کے انتخابات میں بھی مضبوطی سے لڑیں گے اور کامیاب ہوں گے۔ اس کے لیے حکمت عملی تیار کی جا رہی ہے۔ انہوں نے کہا کہ منگل کے اجلاس میں رکنیت سازی مہم کے ذریعے پارٹی کو مضبوط بنانے کے ساتھ ساتھ مستقبل کے پروگراموں پر تبادلہ خیال کیا جا رہا ہے۔
