رانچی میں سونیا اور راہل گاندھی کے خلاف شکایت
جدید بھارت نیوز سروس
رانچی، 4 فروری:۔ جنجاتی تحفظ منچ کی خاتون سربراہ انجلی لکڑہ کی قیادت میں کانگریس کی سینئر لیڈر سونیا گاندھی اور کانگریس لیڈر کم ایم پی راہل گاندھی کے خلاف صدر دروپدی مرمو کے خلاف ST-SC تھانے میں درخواست دائر کی گئی ہے۔ اس معاملے میں سٹی ایس پی راجکمار مہتا نے کہا کہ معاملے کی جانچ کے بعد مزید کارروائی کی جائے گی۔ قبائلی تحفظ منچ نے اپنی درخواست میں کہا ہے کہ 31 جنوری 2025 کو پارلیمنٹ میں بجٹ اجلاس سے خطاب کے بعد صدر دروپدی مرمو کو راہل گاندھی نے بورنگ کہا تھا۔ اس کے ساتھ ہی سونیا گاندھی نے صدر کو غریب خاتون، لاچار، بے سہارا، غریب اور تھکی ہوئی عورت کہہ کر مخاطب کیا تھا۔ قبائلی تحفظ منچ کا کہنا ہے کہ ایک سوچی سمجھی سازش کے تحت درج فہرست قبائلی خاتون کو ذہنی اذیت دی گئی۔ یہ توہین پورے ملک کے ساتھ ساتھ شیڈولڈ ٹرائب قبائلی برادری کی توہین ہے۔ قبائلی معاشرہ مزید اسے برداشت نہیں کرے گا۔ درخواست دینے والے وفد میں روی منڈا، سندیپ اورائوں ، مونو لکڑا، آشیش لنڈا، کرشنا منڈا، اشوک کھالکھو، روی لکڑا، روشن منڈا، پردیپ لکڑا، ستیش تگا، دگمبر بیدیا، جگل کشور بیدیا، ہندوا اورائوں ، بندھانا منڈا اور سوما اورائوں شامل تھے۔
