وزیر ڈاکٹر عرفان انصاری نے دہلی میں کانگریس جنرل سکریٹری کے سی وینوگوپال سےملاقات کی

محکمہ صحت کو مضبوط اور بااختیار بنانے کیلئےدن رات محنت کر رہا ہوں: وزیر

جدید بھارت نیوز سروس
دہلی؍ مدھوپور، 31 دسمبر : جھارکھنڈ حکومت کے وزیر ڈاکٹر عرفان انصاری نے دہلی میں کانگریس ہیڈکوارٹر میں پارٹی کے جنرل سکریٹری مسٹر کے سی سے وینوگوپال سے ملاقات کر اپنے محکمہ صحت، فوڈ پبلک ڈسٹری بیوشن ڈیپارٹمنٹ اور ڈیزاسٹر مینجمنٹ ڈیپارٹمنٹ کی تفصیلی رپورٹس پیش کیں۔ اس دوران محکمانہ کام، پیشرفت اور چیلنجز کے بارے میں معلومات شیئر کرتے ہوئے وزیر موصوف نے کہا کہ یہ محکمے کافی بڑے ہیں لیکن عوام کو زیادہ سے زیادہ فوائد فراہم کرنے کے لیے پوری لگن اور محنت کے ساتھ کام کر رہے ہیں۔وزیر ڈاکٹر انصاری نے کہا کہ محکمہ صحت کو جدید، ہموار اور موثر بنانے کے لیے مسلسل کوششیں کی جا رہی ہیں۔ان کی قیادت میں محکمہ میں بڑے پیمانے پر بہتری دیکھی جا رہی ہے جس کا براہ راست فائدہ جھارکھنڈ کے لوگوں کو ہو رہا ہے۔ وہ اس بات کو یقینی بنانے کے لیے دن رات کوشاں ہیں کہ ریاست کے ہر شہری کو صحت کی بہتر سہولیات میسر ہوں۔اس موقع پر کانگریس جنرل سکریٹری کے سی۔ وینو گوپال نے وزیر ڈاکٹر انصاری کو واضح ہدایات دیتے ہوئے کہا کہ انہیں پارٹی کی جانب سے ایک اہم ذمہ داری دی گئی ہے جسے بہترین کارکردگی کے ساتھ نبھانا ہے۔انہوں نے اپنے سابقہ دور حکومت میں دیہی امور کے محکمے میں وزیر کی طرف سے کئے گئے شاندار کام کی تعریف کی اور امید ظاہر کی کہ اسی لگن اور عزم کے ساتھ وہ صحت، فوڈ پبلک ڈسٹری بیوشن اور ڈیزاسٹر مینجمنٹ کے محکموں میں بھی کام کریں گے۔ وینوگوپال نے کہا کہ خوراک اور عوامی تقسیم کے محکمے کے کام کا دائرہ بہت وسیع ہے، اور اس کی اسکیموں کا فائدہ ریاست کے غریب اور ضرورت مند خاندانوں کو بلا تعطل فراہم کرنا ضروری ہے۔ وزیر کو اس بات کو یقینی بنانے کے لیے موثر اسکیموں کو نافذ کرنا ہوگا کہ کوئی بھی غریب خاندان اناج سے محروم نہ رہے۔ اسی طرح ڈیزاسٹر مینجمنٹ ڈیپارٹمنٹ ایک حساس اور انتہائی اہم محکمہ ہے۔انہوں نے ہدایت کی کہ اس محکمہ کو مزید موثر بنایا جائے۔
تاکہ آفت زدہ خاندانوں کو فوری امداد مل سکے اور وہ سرکاری اسکیموں کا زیادہ سے زیادہ فائدہ حاصل کر سکیں۔اس موقع پر جھارکھنڈ کے برہی اسمبلی حلقہ سے سابق ایم ایل اے اوماشنکر اکیلا جی بھی موجود تھے۔ اس سے قبل انہوں نے کانگریس پارٹی چھوڑنے پر افسوس کا اظہار کیا اور معافی مانگی۔ انہوں نے یقین دلایا کہ مستقبل میں وہ پوری لگن کے ساتھ کانگریس سے وابستہ رہیں گے اور دوبارہ ایسی غلطی نہیں کریں گے۔اس کا جواب دیتے ہوئے وینوگوپال جی نے کہا کہ کانگریس صرف ایک سیاسی پارٹی نہیں ہے بلکہ ایک خاندان ہے۔ انہوں نے اوماشنکر اکیلا جی کو مشورہ دیا کہ وہ کانگریس کے نظریہ کو لوگوں تک پہنچانے کے لیے پوری لگن کے ساتھ کام کریں۔اس کے ساتھ ہی انہوں نے ہدایت دی کہ جھارکھنڈ میں کانگریس کے چار وزراء مل کر اپنے اپنے علاقوں میں بڑے پروگرام منعقد کریں، تاکہ ریاست بھر میں پارٹی کو مضبوط پیغام جائے اور تنظیم کو مزید مضبوط کیا جاسکے۔وزیر ڈاکٹر عرفان انصاری نے آخر میں یقین دلایا کہ وہ اپنی ذمہ داریاں پوری ایمانداری، شفافیت اور لگن کے ساتھ نبھائیں گے۔وہ جھارکھنڈ کے شہریوں کو صحت، خوراک اور آفات سے متعلق امدادی اسکیموں کے فوائد فراہم کرنے کے لیے کام کرتے رہیں گے اور ہر ممکن بہتری لائیں گے۔اس کے علاوہ کانگریس جنرل سکریٹری کے سی۔ وینوگوپال نے وزیر ڈاکٹر عرفان انصاری کو دہلی انتخابات تک یہاں رہنے اور پارٹی کے لیے کام کرنے کی ذمہ داری سونپی۔انہوں نے کہا کہ آئندہ انتخابات اہم ہیں، پارٹی کو مضبوط کرنے کے لیے ان کی فعال شرکت ضروری ہے۔ اس کو قبول کرتے ہوئے وزیر موصوف نے یقین دلایا کہ وہ پوری لگن اور توانائی کے ساتھ پارٹی کے تنظیمی کاموں میں حصہ ڈالیں گے۔