جدید بھارت نیوز سروس
دہلی/رانچی ،31؍جنوری:جھارکھنڈ کے سابق وزیر اور ریاستی کانگریس ورکنگ صدر بندھو ترکی گزشتہ چار دنوں سے دہلی اسمبلی انتخابات کی مہم میں مصروف ہیں۔ آیا نگر، مہرولی، چھتر پور سمیت کئی اسمبلی سیٹوں پر بندھو ترکی کانگریس امیدوار کے حق میں سڑکوں پر نکر سبھا اور انتخابی ریلیاں منعقد کر رہے ہیں۔ دہلی میں قبائلی آبادی 10 لاکھ سے زیادہ ہے۔ بندھو ترکی کو سننے کے لیے قبائلی برادری کے لوگ بڑی تعداد میں ان علاقوں میں انتخابی مہم میں شامل ہو رہے ہیں۔ دہلی انتخابی مہم کے دوران بندھو ترکی نے کہا کہ کانگریس نے ہمیشہ قبائلیوں کے حقوق کے لیے آواز اٹھائی ہے۔ آج جب بی جے پی آئین کو جھٹلانے اور اسے کمزور کرنے میں مصروف ہے، راہل گاندھی آئین کو بچانے اور اسے مضبوط کرنے کی مہم میں مصروف ہیں۔ بندھو ترکی نے کہا ہے کہ عام لوگوں نے مرکز میں بی جے پی کی حکومت دیکھی ہے۔ مہنگائی، بے روزگاری، قبائلی سماج کا استحصال، معیشت کی گراوٹ بی جے پی حکومت کے تحفے ہیں۔ پورے ملک کے لوگ ایک طویل عرصے سے دہلی میں رہ رہے ہیں اور انہوں نے شیلا دکشت کی حکومت میں ہمہ جہت ترقی دیکھی ہے۔ آج ایک بار پھر دہلی کے لوگ اس ترقی کے لیے کانگریس کے ساتھ کھڑے ہیں۔ عآپ کی حکومت میں ترقی کس کی ہوئی یہ بتانے کی ضرورت نہیں۔ عآپ حکومت نے عوام سے کتنے وعدے کیے اور کتنے پورے کیے، آج دہلی کے لوگ اپنے ووٹوں کے ذریعے اس کا جواب دینے کے لیے تیار ہیں۔ بندھو ترکی نے دہلی کی انتخابی مہم میں جھارکھنڈ میں انڈیا اتحاد حکومت کے کام اور فلاحی اسکیموں کا ذکر کیا ہے۔ انہوں نے یہ بھی کہا کہ آج جھارکھنڈ میں مخلوط حکومت قبائلی سماج کی ترقی اور اس کی ثقافت کے تحفظ کا کام کر رہی ہے۔ اس لیے دہلی میں برسوں سے رہنے والی قبائلی برادری کو اپنے ووٹ کا صحیح استعمال کرنے کی ضرورت ہے۔ دہلی انتخابات میں کانگریس کو ایک بار پھر موقع دینے کا وقت آگیا ہے۔
بندھو ترکی دہلی میں کانگریس امیدوار کیلئے انتخابی مہم چلا رہے ہیں
