64views
متاثرہ دکانداروں سےملاقات کر سامان کے حالات کی جانکاری لی
جدید بھارت نیوز سروس
دیوگھر ، 22؍جنوری:آج ریاستی کانگریس کمیٹی کے صدر کیشو مہتو کملیش جی نے مینا بازار سبزی منڈی دیوگھر پہنچ کر آگ سے متاثرہ دکانداروں سے ملاقات کی اور جائے وقوعہ کا معائنہ کرنے کے بعد دکاندار ایسوسی ایشن کے صدر سنتوش شاہ اور دیگر دکانداروں سے سامان کی حالت کی جانکاری لی اور ریاستی حکومت سے مطالبہ کیا کہ آگ سے متاثرہ دکانداروں کو فوری امداد اور معاوضہ فراہم کیا جائے۔ واضح ہو کہ 13 جنوری 2025 اور 17 جنوری 2025 کو مینا بازار سبزی منڈی دیوگھر میں 33 دکانوں میں آگ لگ گئی تھی جس میں کروڑوں کا سامان جل کر برباد ہو گیا تھا۔ معائنہ کے وقت میڈیا ڈیپارٹمنٹ کے چیئرمین ستیش پال مزنی، ہندو ٹرسٹ بورڈ کے چیئرمین جے شنکر پاٹھک، سنجے منم، ضلع صدر ادے پرکاش، شانتنو مشرا، ایشور آنند، سلطان احمد اور کانگریس لیڈروں نے شرکت کی۔
