ہمارا مستقبل یُدھ میں نہیں، بدھ میں ہے: مودی

بھونیشور، 9 جنوری (یو این آئی) وزیر اعظم نریندر مودی نے جمعرات کو کہا کہ ہمارا ورثہ ہمیں سکھاتا ہے کہ مستقبل یدھ میں نہیں بلکہ بدھ میں ہے نیز انہوں نے این آر آئیز کو ہندوستان کا حقیقی سفیر قرار دیتے ہوئے کہا کہ جس بھی ملک میں جاتے ہیں، وہاں ہندوستانی ثقافت اور اقدار کو زندہ رکھتے ہیں۔مسٹر مودی نے یہ بات اوڈیشہ کے دارالحکومت بھونیشور میں جنتا میدان میں منعقد ’18ویں پرواسی بھارتیہ دیوس سمیلن، کا افتتاح کرتے ہوئے کہی۔اس کانفرنس میں دنیا بھر سے این آر آئیز حصہ لے رہے ہیں۔ ہندوستان کی ترقی، ثقافت اور ترقی کے سفر میں جڑنے کا موقع اڈیشہ نے حاصل کی۔اپنے خطاب میں وزیر اعظم مودی نے اوڈیشہ کے تاریخی اور ثقافتی ورثے کو ہندوستان کی شاندار روایت کی علامت قرار دیا۔ انہوں نے کہا، ’’اڈیشہ کی سرزمین پر ہر قدم پر ہمیں اپنے شاندار ورثے کی جھلک ملتی ہے۔ سینکڑوں سال پہلے یہاں کے تاجر طویل سمندری سفر کرکے بالی، سماترا اور جاوا تک جاتے تھے۔ آج بھی اوڈیشہ میں بالی یاترا کا اہتمام کیا جاتا ہے، جو اس تاریخی تعلق کا ثبوت ہے۔شہنشاہ اشوک اور بدھ مت کا ذکر کرتے ہوئے مسٹر مودی نے کہا کہ جب پوری دنیا تلوار کی طاقت سے اپنی سلطنت کو بڑھانے میں مصروف تھی، ہندوستان نے امن اور عدم تشدد کا پیغام دیا۔ انہوں نے کہا، ’’ہمارا ورثہ ہمیں سکھاتا ہے کہ مستقبل یدھ میں نہیں بلکہ بدھ میں ہے۔‘‘این آر آئیز کو ہندوستان کے حقیقی ثقافتی سفیر بتاتے ہوئے وزیر اعظم مودی نے کہا کہ وہ جس بھی ملک میں جاتے ہیں، وہاں ہندوستانی ثقافت اور اقدار کو زندہ رکھتے ہیں۔ انہوں نے کہا کہ ہم صرف جمہوریت کی ماں نہیں ہیں بلکہ جمہوریت ہماری زندگی کا حصہ ہے۔ تنوع ہماری ثقافت میں ہے اور اسے سکھانے کی ضرورت نہیں ہے، بلکہ ہماری زندگی کا ایک فطری حصہ ہے۔”انہوں نے این آر آئیز پر زور دیا کہ وہ ‘میک ان انڈیا، مہم کو اپنائیں اور ہندوستانی مصنوعات کو فروغ دیں۔ انہوں نے کہا کہ ہر این آر آئی کو کم از کم ایک ہندوستانی پروڈکٹ کو اپنی زندگی اور تحفہ ثقافت کا حصہ بنانا چاہئے۔ہندوستان کی عالمی کامیابی پر فخر کا اظہار کرتے ہوئے وزیر اعظم مودی نے ہندوستان کی سائنسی اور تکنیکی ترقی پر بھی فخر کا اظہار کیا۔ انہوں نے کہا، “جب ہندوستان کا چندریان ‘شیو شکتی پوائنٹ،پر پہنچتا ہے، تو ہمیں فخر محسوس ہوتا ہے۔ جب دنیا ڈیجیٹل انڈیا کی طاقت کو دیکھ کر حیران ہوتی ہے تو ہم سب کو فخر محسوس ہوتا ہے۔ ہندوستان کا ہر شعبہ آج نئی بلندیوں کو چھو رہا ہے۔انہوں نے یہ بھی کہا کہ آج ہندوستان گلوبل ساؤتھ کی آواز کو مضبوطی سے اٹھا رہا ہے اور عالمی فورمز پر اپنا اہم کردار ادا کر رہا ہے۔اس موقع پر وزیر اعظم مودی نے این آر آئیز کے لیے خصوصی ٹورسٹ ٹرین ‘پرواسی بھارتیہ ایکسپریس، کو ہری جھنڈی دکھا کر روانہ کیا۔ یہ ٹرین دہلی کے نظام الدین ریلوے اسٹیشن سے اپنا سفر شروع کرے گی اور تین ہفتوں تک ملک بھر کے اہم مذہبی اور سیاحتی مقامات کا سفر کرائے گی۔وزیر اعظم نے کہا کہ ہندوستان کے دفاعی شعبے میں ‘میک ان اوڈیشہ، پہل کے تحت فائٹر جیٹ اور طیارے تیار کیے جا رہے ہیں۔ انہوں نے اسے ہندوستان کی خود انحصاری اور دیسی دفاعی مینوفیکچرنگ کی طرف ایک اہم قدم قرار دیا۔مسٹرمودی نے این آر آئیز سے اپیل کی کہ وہ ‘ایک پیڑ ماں کے نام، مہم کو آگے بڑھائیں۔ انہوں نے کہا کہ ہر این آر آئی کو اپنی ماں کے نام پر ایک درخت لگانا چاہئے اور ماحولیاتی تحفظ میں اپنا حصہ ڈالنا چاہئے۔اس موقع پر مسٹر ماجھی، ڈاکٹر جے شنکر کے علاوہ مختلف ممالک کے این آر آئیز، وزیر تعلیم دھرمیندر پردھان، وزیر ریلوے اشونی ویشنو، مرکزی وزیر جوال اورم اور نائب وزیر اعلیٰ کے سنگھ دیو اور پربھاتی پریڈا بھی پروگرام میں موجود تھے۔