ترواننت پورم، 27 دسمبر (یو این آئی) کیرالہ کے گورنر عارف محمد خان اور وزیر اعلیٰ پنارائی وجین نے سابق وزیر اعظم ڈاکٹر منموہن سنگھ کے انتقال پر تعزیت کا اظہار کیا ہے۔قابل ذکر ہے کہ ڈاکٹر سنگھ کا جمعرات کی رات آل انڈیا انسٹی ٹیوٹ آف میڈیکل سائنسز (ایمس) میں عمر سے متعلق بیماری کی وجہ سے انتقال ہوگیا۔ایک پیغام میں گورنر نے کہا، ’’ڈاکٹر منموہن سنگھ کے انتقال پر دلی تعزیت۔ معاشی اصلاحات میں ان کا تعاون ملک کی ترقی کے تئیں ان کی لگن کی عکاسی کرتا ہے۔انہوں نے کہا کہ ان کی دانشمندی اور عاجزی آنے والی نسلوں کو متاثر کرتی رہے گی۔ ان کی روح کو سکون ملے۔وزیر اعلیٰ نے کہا، ’’سیکولرازم اور جمہوریت کی اقدار کے لیے پرعزم سیاست دان ڈاکٹر منموہن سنگھ کے انتقال پر گہرا دکھ ہوا ہے۔ ان کے اہل خانہ اور چاہنے والوں سے دلی تعزیت۔کانگریس کے سینئر لیڈر اور سابق اپوزیشن لیڈر رمیش چنیتھلا ایم ایل اے، اپوزیشن لیڈر وی ڈی ساتھیسن، انڈین نیشنل کانگریس کے جنرل سکریٹری کے سی وینوگوپال نے بھی کانگریس کے سینئر لیڈر اور سابق وزیر اعظم کے انتقال پر تعزیت کا اظہار کیا۔مسٹر وینوگوپال نے کہا، قوم ایک لیجنڈ کے انتقال پر سوگوار ہے۔
آزادی کے بعد ایک جدید عظیم ہیرو۔انہوں نے کہا کہ سابق وزیر اعظم ڈاکٹر منموہن سنگھ جی کے انتقال سے جو دکھ اور درد ہم محسوس کر رہے ہیں اسے الفاظ میں بیان نہیں کیا جا سکتا۔مسٹر وینوگوپال نے کہا،ڈاکٹر۔ منموہن سنگھ کی میراث جدید دور میں بے مثال ہے۔ تقسیم سے پہلے پاکستان میں اپنی عام شروعات سے لے کر ہندوستان میں اعلیٰ ترین عوامی عہدے تک، ڈاکٹر سنگھ نہ صرف شاندار محنت اور قابلیت کی علامت ہیں بلکہ آزادی کے بعد ایک جمہوری ہندوستان کے امکانات کی بھی علامت ہیں۔انہوں نے کہا، “بطور وزیر خزانہ، انہوں نے ہندوستان کی اقتصادی تقدیر کو دوبارہ لکھا اور ترقی اور خوشحالی کے دور کا آغاز کیا۔”مسٹروینوگوپال نے کہا، “بطور وزیر اعظم ڈاکٹر سنگھ کی قیادت میں، ہندوستان کی اقتصادی ترقی کے ساتھ ساتھ اس کے انقلابی فلاحی اقدامات نے ہندوستان کو ترقی کی راہ میں اگلی سطح پر پہنچا دیا ہے اور ہندوستان کو 21ویں صدی کی اگلی اقتصادی طاقت کے طور پر دیکھا گیا۔انہوں نے کہا، “یہ میرے لئے ایک گہرا ذاتی نقصان بھی ہے، کیونکہ آج میں نے آج ایک رہنما اور سرپرست کو کھو دیا ہے، جنہوں نے یو پی اے حکومت میں پہلی بار وزیربننے کے بعد میری رہنمائی کی تھی۔
ان کی قیادت میں ہم بجلی کی وزارت کے ذریعہ بڑے پیمانے پر برقی کاری شروع کرنے کے قابل تھے اور شہری ہوابازی کی وزارت نے یہ یقینی بنایا کہ کہ ہندوستان کا ایئر لائن سیکٹر بڑھتے ہوئے متوسط طبقے کی ضروریات کو پورا کرنے کے لیے چھلانگ لگائے ۔مسٹر وینوگوپال نے کہا، ’’ان کا تعاون ہماری تاریخ کی کتابوں میں سنہری حروف سے لکھا جائے گا۔‘‘
