جدید بھارت نیوز سروس
ہزاری باغ، 23 دسمبر:۔ مرکزی خواتین اور بچوں کی ترقی کی وزیر محترمہ اناپورنا دیوی نے آج ہزاری باغ میں منعقدہ روزگار میلے میں بطور مہمان خصوصی شرکت کی۔ اپنے خطاب میں انہوں نے وزیر اعظم نریندر مودی کی رہنمائی میں ملک بھر میں روزگار کے مواقع پیدا کرنے کے لیے اٹھائے جانے والے اقدامات کی تعریف کی۔ انہوں نے کہا کہ حکومت ہند مختلف وزارتوں اور محکموں کے ذریعے روزگار میلوں کا انعقاد کر رہی ہے اور نوجوانوں میں تقرری خط تقسیم کر رہی ہے۔ اس میلے کے ذریعے 40 سے زائد مقامات پر بھرتیاں کی جائیں گی جن میں محکمہ ریونیو، محکمہ ہائر ایجوکیشن، وزارت داخلہ، وزارت دفاع اور وزارت صحت و خاندانی بہبود شامل ہیں۔ انہوں نے کہا کہ یہ روزگار میلے روزگار کی فراہمی کی ترجیح کے حوالے سے ہمارے وزیر اعظم کے عزم کو ظاہر کرتے ہیں۔
مرکزی وزیر اناپورنا دیوی نے روزگار میلے میں شرکت کی
