جدید بھارت نیوز سروس
رانچی، 21 دسمبر:۔ ڈی آئی جی انوپ برتھرے نے سنیچر کو رانچی سول کورٹ کا اچانک معائنہ کیا۔ ڈی آئی جی دوپہر کو اچانک سول کورٹ پہنچے اور سکیورٹی انتظامات کا معائنہ شروع کیا۔ جیسے ہی کورٹ سیکیورٹی انچارج اور دیگر پولیس اہلکاروں کو اس کی اطلاع ملی تو وہ فوراً ڈی آئی جی کے پاس پہونچے۔ ڈی آئی جی نے اپنے معائنہ کے دوران کمرہ عدالت اور سول کورٹ کے بیرونی ڈھانچے کا بھی جائزہ لیا۔ سیکورٹی کے لیے تعینات پولیس اہلکاروں کو بلایا اور ان سے ہر چیز کی معلومات لی۔ ڈی آئی جی نے سول کورٹ میں تعینات سیکیورٹی اہلکاروں کو فراہم کیے گئے حفاظتی سامان کا بھی معائنہ کیا۔ اس دوران ڈی آئی جی نے سیکیورٹی کی کئی خامیوں کا سراغ لگایا، جنہیں دور کرنے کی ہدایت کی گئی ہے۔ قابل ذکر ہے کہ جھارکھنڈ کے تمام اضلاع میں عدالت کے احاطے اور ججوں کے رہائشی احاطے کی سیکورٹی کا ڈی جی پی انوراگ گپتا نے جائزہ لیا۔ اس دوران ڈی جی پی نے رینج ڈی آئی جی سطح کے افسران کو ہدایت کی کہ تمام رینج ڈی آئی جی اپنے اپنے دائرہ اختیار کے اضلاع میں تمام سول کورٹس، رہائشی کمپلیکس اور ججوں کی نگرانی کریں گے۔ نیز ان سب کی سیکورٹی سے متعلق ایک جامع رپورٹ پولیس ہیڈ کوارٹر کو فراہم کی جائے گی۔ اس سلسلے میں رانچی رینج کے ڈی آئی جی انوپ برتھرے نے پہلے مرحلے میں رانچی سول کورٹ کا معائنہ کیا۔
