راشن تقسیم بدعنوانی معاملے میں گرفتار وزیر جیوتی پریہ ہسپتال میں، حالت مستحکم

کولکاتا، 28 اکتوبر :۔ راشن کی تقسیم میں بدعنوانی کے معاملے میں گرفتار مغربی بنگال کے وزیر جیوتی پریہ ملک کو ہائی بلڈ شوگر اور گردے کی تکلیف کی وجہ سے جمعہ کو اسپتال میں داخل کرایا گیا تھا۔ ای ڈی حکام نے کہا ہے کہ ان کی صحت پر نظر رکھی جا رہی ہے۔ وہ گزشتہ روز عدالت میں سماعت کے دوران بے ہوش ہو گئے تھے۔ عدالت نے ملک کو 10 دن کے لیے انفورسمنٹ ڈائریکٹوریٹ (ای ڈی) کی تحویل میں بھیج دیا۔ کل دیر رات ہسپتال نے ایک بلیٹن میں کہا کہ ملک (66) کی حالت فی الحال مستحکم ہے۔ سی ٹی اسکین، ایم آر آئی اور خون کے ٹیسٹ کئے گئے۔ قابل ذکر ہے کہ انہوں نے سرکاری ایمبولینس میں اسپتال جانے سے انکار کردیا تھا۔ اس کے بعد انہیں پرائیویٹ ایمبولینس میں ای ایم بائی پاس کے قریب ایک پرائیویٹ اسپتال میں داخل کرایا گیا۔ عدالت نے حکم دیا ہے کہ ان کے علاج کے اخراجات اہل خانہ برداشت کریں گے۔