نئی دہلی ۔30؍ نومبر۔ ایم این این۔ وزیر خارجہ ایس جے شنکر نے جمعہ کو دہلی میں فجی کے نائب وزیر اعظم منووا کامیکامیکا سے ملاقات کی۔ وزیر خارجہ نے ایکس پر ملاقات کی تفصیلات شیئر کیں۔ انہوں نے لکھا، “آج دہلی میں فجی کے ڈی پی ایم منووا کامیکا سے مل کر خوشی ہوئی۔ ہندوستان میں کوآپریٹیو اور دیگر ترقیاتی پروگراموں کے بارے میں ان کے مثبت تاثرات سن کر خوشی ہوئی۔” وزیر خارجہ نے نوٹ کیا کہ دونوں رہنماؤں نے نامیاتی کاشتکاری، ٹیکنالوجی ایپلی کیشنز، اور ڈیجیٹل ٹولز کے امکانات پر تبادلہ خیال کیا۔ انہوں نے ہندوستان۔فجی کے باہمی تعلقات کو آگے بڑھانے میں تعاون کے لئے ڈی پی ایم کامیکامکا کا بھی شکریہ ادا کیا۔ یہ ملاقات اس کے فوراً بعد ہوئی جب وزارت خارجہ نے بین الاقوامی شمسی اتحاد کے ساتھ فجی میں 2 ملین امریکی ڈالر کی لاگت کے ایک شمسی پروجیکٹ کو چلانے کے لئے پروجیکٹ پر عمل درآمد کے معاہدے پر دستخط کئے۔ م یہپیشرفت کواڈ کلائمیٹ ورکنگ گروپ پہل کے تحت انڈو پیسفک ممالک میں نئے شمسی منصوبوں میں 2 ملین ڈالرکی سرمایہ کاری کرنے کے ہندوستان کے عہد کے بعد ہے۔ معاہدے پر دستخط کرنے کے بعد، وزارت خارجہ امور کے ترجمان رندھیر جیسوال نے سوشل میڈیا پلیٹ فارم X پر ہندوستان کے قابل تجدید ذرائع اور ہند بحرالکاہل کے جزیروں میں توانائی کی منتقلی کے عزم کو اجاگر کیا۔ ہندوستان اور فجی کے درمیان دو طرفہ تعلقات کو نومبر 2014 میں ہندوستان کے وزیر اعظم کے دورہ فجی کے بعد ایک اہم فروغ ملا، جس کے دوران ہندوستان-بحرالکاہل جزائر تعاون (FIPIC) کے فورم کی پہلی میٹنگ منعقد ہوئی۔ وزارت خارجہ امور نے نوٹ کیا کہ سالوں کے دوران، فجی کے ایک بڑے ترقیاتی پارٹنر کے طور پر، ہندوستان کو فجی کی قومی تعمیر کی کوششوں میں کلیدی شعبوں بشمول صلاحیت کی تعمیر میں مدد کرنے کا اعزاز حاصل ہوا ہے۔
