جدید بھارت نیوز سروس
لوہردگا، 28 نومبر:۔ نئی دہلی میں حکومت ہند کی طرف سے چائلڈ میرج فری انڈیا مہم کے آغاز کے بعد، لوہردگا ضلع انتظامیہ کی ہدایت پر کیرو بلاک میں جے ایس ایل پی ایس کے دیدیوں کے ساتھ مل کر ایک ریلی اور حلف برداری کے پروگرام کا انعقاد کیا گیا۔ ریلی میں کینڈل مارچ اور چائلڈ میرج کے بارے میں معلومات دیتے ہوئے موجود منا رام نے بتایا کہ یہ کینڈل مارچ پورے ضلع میں جاری ہے۔ کینڈل مارچ کا مقصد موم بتیاں جلا کر کم عمری کی شادی کا خاتمہ نہیں بلکہ موم بتیاں اور ریلیوں کے ذریعے ہر گھر کو چائلڈ میرج سے نجات دلانا ہے۔ تعلیم اور آگاہی ہی کم عمری کی شادی کو روک سکتی ہے۔ اور اس کے مضر اثرات کے بارے میں تفصیلی معلومات دی گئیں۔ اس موقع پر سی ایل ایف منیجر منا رام، سی آر پی ایف غزالہ پروین، ایف ایل سی آر پی- چنتامنی دیوی، نوجیون سخی، دیپشیکھا اوراون، ایکٹو دیدی سنگیتا دیوی، اے پی ایس سیتا دیوی اور جے آر پی نریش مہتو وغیرہ موجود تھے۔
