ایکناتھ شندے وزیراعلیٰ کے عہدے سے مستعفیٰ

ممبئی ،26،نومبر(یواین آئی)شیوسینا کے رہنما ایکناتھ شندے نے آج یہاں مہاراشٹر کے وزیر اعلیٰ کے عہدے سے استعفیٰ دے دیا، جب کہ حکمراں مہایوتی اتحاد نے اسمبلی انتخابات میں زبردست جیت کے بعد اقتدار برقرار رکھاہے شندے نے منگل کی صبح گورنر سی پی رادھا کرشنن سے راج بھون میں ملاقات کی اور اپنا استعفیٰ پیش کیا س موقع پہ نائب وزیراعلی دیویندر فڈنویس اور اجیت پوار بھی موجود تھے۔ گورنر نے شندے سے کہا کہ وہ نگراں وزیر اعلی کے طور پر کام کریں ،جب تک کہ نئے وزیر اعلی کی حلف برداری نہیں ہو جاتی ہے۔بی جے پی لیڈر دیویندر فڑنویس اور شیو سینا کے صدر ایکناتھ شندے مبینہ طور پر مہاراشٹر کے اعلیٰ سیاسی عہدے کے لیے مقابلہ کر رہے ہیں۔ وزیر اعلیٰ کے عہدے کے لیے بی جے پی کے دعوے کو اسمبلی انتخابات میں اس کی کارکردگی سے تقویت ملی، کیونکہ وہ 132،نشستیں جیت کر واحد سب سے بڑی پارٹی بن گئی ہے۔اگرچہ شیوسینا نے صرف 57 سیٹیں جیتی ہیں، لیکن وہ بہار میں این ڈی اے کے سیاسی انتظامات کا حوالہ دیتے ہوئے اعلیٰ عہدے کا مطالبہ کر رہی ہے۔اتحاد میں بی جے پی کے ‘بڑے بھائی’ کا درجہ ہونے کے باوجود نتیش کمار ریاست کے وزیر اعلیٰ ہیں۔