پسماندہ طبقات کو ہر حال میں 27 فیصد ریزرویشن فراہم کریں گے: کلپنا سورین
گریڈیہہ 15 نومبر :جے ایم ایم کی اسٹار کمپینرمحترمہ کلپنا سورین نے گانڈے اسمبلی حلقہ کے کوواڈ میں ایک انتخابی میٹنگ سے خطاب کرتے ہوئے آج کہا کہ بھارتیہ جنتا پارٹی نے ریاست کے پسماندہ لوگوں کے حقوق چھین لیے ہیں۔ بابولال مرانڈی کی حکومت نےپسماندہ طبقات کے ریزرویشن کو 14 فیصد تک کم کر دیا۔ ہیمنت حکومت نے پسماندہ طبقات کے لیے ریزرویشن بڑھا کر 27 فیصد کرنے کی تجویز پاس کر کے مرکز کو بھیج دی ہے، لیکن مرکز کی بی جے پی حکومت پسماندہ طبقات کے حقوق پر شب خون مارنے کی کوشش کر رہی ہے، لیکن ہم پسماندہ طبقات کو کسی بھی قیمت پر 27 فیصد ریزرویشن دے کر اور سرنا دھرم کوڈ کو لاگو کرتے رہیں گے اور اس کے لیے جو بھی قدم اٹھانا پڑے گا اس سے پیچھے نہیں ہٹیں گے۔ انہوں نے کہا کہ بی جے پی کے لوگ ‘بٹیں گے تو کٹیں گے، کا نعرہ دے رہے ہیں، تو بی جے پی کو بتا دیں کہ اب جھارکھنڈی نہیں بٹنے والے ہیں اور آنے والے دنوں میں ہندوستان میں مخلوط حکومت بنے گی۔ کلپنا سورین نے کہا کہ چار ماہ کی مختصر مدت میں ہم نے گانڈےاسمبلی حلقہ میں سڑکوں کا جال بچھا دیا ہے، بیٹیوں کے لیے ڈگری کالج اسٹیڈیم سمیت دیگر کئی کام کیے ہیں، ۔انہوں نے کہا کہ انڈیا اتحاد کی مخلوط حکومت نےمیّاںسمان یوجنا، بجلی کے بل کی معافی، کسانوں کے زراعت کے بل کی معافی جیسے بہت سے کام کیے ہیں اور اگلے مہینےسے 2500 روپے ہر ماہ میّاں سمان یوجنا کے تحت دیئے جائیں گے، آنے والا وقت نوجوانوں کا ہوگا۔ انہوں نے کہا کہ آپ کے بھائی ہیمنت سورین کو ہراساں کرنے کے لیے پورے ملک کے کئی وزیر اعلیٰ جھارکھنڈ میں گھوم رہے ہیں، لیکن انہیں معلوم ہونا چاہیے کہ تمام جھارکھنڈی ایک ہو گئے ہیں اور اپنے بیٹے ہیمنت سورین کو دوبارہ وزیر اعلیٰ بنانے جا رہے ہیں، میٹنگ میںجے ایم ایم بلاک کے صدر انور انصاری ، منڈل ، مکھیا شبیر عالم اور مکھیا ممتاز انصاری سمیت کئی لوگ موجود تھے۔
