عدن، 09 نومبر (یو این آئی) یمن میں سرگرم سعودی عرب کی قیادت والے اتحاد کے دو فوجی ملک کے مشرقی صوبے حضرموت میں ایک فوجی اڈے پر فائرنگ میں مارے گئے۔ ایک فوجی افسر نے سنیچر کو یہ معلومات ژنہوا کو دی۔فوجی اہلکار نے بتایا کہ فائرنگ کا واقعہ حضرموت کے دوسرے سب سے بڑے شہر سیئون میں پہلی علاقائی ملٹری کمانڈ کے ہیڈ کوارٹر میں پیش آیا۔ انہوں نے کہا کہ “حکومت کی حامی فورسز کے ایک یمنی فوجی نے سعودی عرب کی قیادت میں اتحادی افواج پر فائرنگ کی جس سے دو فوجی ہلاک اور ایک تیسرا زخمی ہو گیا”۔فوجی حکام اس واقعے کے پیچھے مقصدکی تحقیقات کر رہے ہیں۔ایک عینی شاہد نے ژنہوا کو بتایا کہ واقعے کے بعد فوجی اڈے کے ارد گرد اور شہر کی مرکزی سڑکوں پر بڑی تعداد میں فوجی اور سیکورٹی اہلکار تعینات کر دیے گئے تھے۔ابھی تک نہ تو یمنی حکومت اور نہ ہی سعودی عرب کی قیادت والے اتحاد نے فائرنگ کے واقعے کے حوالے سے کوئی بیان جاری کیا ہے۔
