30views
جدید بھارت نیوز سروس جمشید پور، 22 اکتوبر:۔ ڈسٹرکٹ الیکشن افسر اننیا متل نے منگل کو اسمبلی انتخابات کے پرامن انعقاد کیلئے بنائے گئے ڈسٹرکٹ کنٹرول روم اور سی ویجل کنٹرول روم کا معائنہ کیا۔ ساکچی پولیس اسٹیشن کے احاطے میں واقع ڈسٹرکٹ کنٹرول روم اور سی وِجل کنٹرول روم کے معائنہ کے دوران تعینات اہلکاروں سے کام کاج کے بارے میں معلومات لی گئیں۔ نیز ہمہ وقت تیار رہتے ہوئے ماڈل کوڈ آف کنڈکٹ سے متعلق شکایات پر فوری کارروائی کرنے کی ہدایات دی گئیں۔ چیک پوائنٹس کے ذریعے گاڑیوں کی سخت چیکنگ اور ویب کاسٹنگ کے ذریعے نگرانی پر زور دیتے ہوئے انہوں نے کہا کہ الیکشن پر اثر انداز ہونے کیلئے کسی بھی طرح سے شراب، منشیات، نقدی، تحفے کی اشیاء کی غیر قانونی نقل و حمل نہیں ہونی چاہیے اور سماج دشمن عناصر کو ضلع میں داخل نہیں ہونا چاہیے۔ اگر ہو سکے تو یقینی بنائیں۔
