بیروت، 21 اکتوبر (یو این آئی) حزب اللہ نے اعلان کیا ہے کہ اس نے جنوبی لبنان میں اسرائیلی فوجیوں اور شمالی اسرائیل میں دو فوجی اڈوں کو نشانہ بنایا ہے۔حزب اللہ کے بیان کے مطابق، جنوبی لبنان کے مرکبہ علاقے میں متعدد میزائلوں سے اسرائیلی فوجیوں کے ایک گروہ کو نشانہ بنایا گیا۔بیان میں کہا گیا کہ شمالی اسرائیل میں بیریہ اڈے پر بھی متعدد میزائلوں سے فوجیوں کو نشانہ بنایا گیا۔بیان میں یہ بھی بتایا گیا کہ طبریہ جھیل کے مغرب میں واقع شمشون اڈے کو بھی کئی میزائلوں سے نشانہ بنایا گیا، اور شمالی اسرائیل کے شہر حیفا پر بھی میزائل حملے کیے گئے۔دوسری طرف، یدیعوت احرونوت کی رپورٹ کے مطابق، لبنان سے داغے گئے میزائلوں کے خلاف جواب کاروائی کے بعد حدیرہ شہر میں آگ لگ گئی۔علاقے میں 12 فائر بریگیڈ کی ٹیمیں آگ کو پھیلنے سے روکنے کے لیے اسے قابو کرنے کی کوشش کر رہی تھیں۔مغربی جلیلہ کی شیلومی بستی میں بھی میزائل گرنے کے نتیجے میں آگ لگ گئی جس پر قابو پانے کے لیے 13 فائر بریگیڈ ٹیموں کو تعینات کیا گیا۔
