جدید بھارت نیوز سروس
رانچی۱۳؍اکتوبر : سابق ڈپٹی میئر اور کانگریس کے سینئر لیڈر اور جے سی اے کے سابق نائب صدر اجے ناتھ شاہ دیو نے جھارکھنڈ جسمانی طورپر معذور کرکٹ ٹیم کو الوداع کیا۔ اس موقع پر تنظیم کے صدر جتیندر سنگھ اور سکریٹری آفتاب عالم موجود تھے۔ اجے ناتھ شاہ دیو نے ایک ایک کر کے تمام کھلاڑیوں سے اپنا تعارف کرایا اور تمام کھلاڑیوں کو یقین دلایا کہ آنے والے دنوں میں جے سی اے بھی ریاست کی طرح یہاں کے معذوروں کی مدد کرے گا۔ اجے سہدیو نے کھلاڑیوں سے بات کی اور ان سے کافی معلومات لی۔ واضح رہے کہ یہ ٹورنامنٹ 15 سے 25 اکتوبر تک راجستھان کے ادے پور میں منعقد ہوگا جس میں ملک بھر کی 24 ریاستوں کی ٹیمیں حصہ لے رہی ہیں۔ مقابلے کا افتتاح 15 تاریخ کو ادے پور میں ہوگا اور 25 کو اختتام پذیر ہوگا۔ جھارکھنڈ کی ٹیم گروپ اے میں ہے جس میں جھارکھنڈ کے علاوہ دہلی، مہاراشٹر، ہماچل پردیش، ہریانہ اور ودربھ شامل ہیں۔ جھارکھنڈ ٹیم کا پہلا میچ 19 تاریخ کو دہلی کے ساتھ ہے۔فورتھ ڈس ابیلڈ کرکٹ T20 کرکٹ ٹورنامنٹ، 15 سے 25 اکتوبر 2024 – ادے پور، راجستھان میں ہوگی۔ جھارکھنڈ ٹیم کی فہرست، منیش کمار (کپتان)، امان کمار، سندیپ ساہو، وکاس یادو، ابو طاہر انصاری، بھولا پاسوان، ببن کمار سنگھ (نائب کپتان) دھرمیندر یادو، سمشیر، کملیش اوراون، موہن ناتھ مہتو، آنند کمار، وشال۔ نائک، بھولا بورنی، کوچ مکیش کمار دوبے، ٹیم منیجر بھاسکر تیواری ہیں۔گروپ اے: راجستھان، کیرالہ، دہلی، مہاراشٹر ہماچل پردیش، جھارکھنڈ، گروپ بی: کرناٹک، حیدرآباد، آندھرا پردیش پنجاب، جموں و کشمیر، بڑودہ ، گروپ سی: ہریانہ، مدھیہ پردیش اتر پردیش، گجرات، ممبئی چھتیس گڑھ، گروپ ڈی: اوڈیشہ، چندی گڑھ، مغربی بنگال، تمل ناڈو، بہار ہے۔یہ معلومات جھارکھنڈ ڈس ایبلڈ کرکٹ ایسوسی ایشن کے سکریٹری آفتاب عالم نے دی۔
