مرکزی وزیر مملکت ارجن رام میگھوال نے وکست بھارت ایمبیسیڈر یوتھ کنیکٹ پروگرام میں مہمان خصوصی شرکت کی
کہا: ہندوستان دنیا کی پانچویں بڑی معیشت کے طور پر ابھرا ہے اور آج ہم ایک عالمی طاقت ہیں
جدید بھارت نیوز سروس
رانچی، (پی آئی بی) قانون و انصاف اور پارلیمانی امور کے مرکزی وزیر مملکت ارجن رام میگھوال نے بدھ کو ڈاکٹر شیاما پرساد مکھرجی یونیورسٹی کے آڈیٹوریم میں وکست بھارت ایمبیسیڈر یوتھ کنیکٹ پروگرام میں مہمان خصوصی کے طور پر شرکت کی۔ انہوں نے کہا کہ 2014 سے وزیر اعظم نریندر مودی کی قیادت اور دور اندیش پروگراموں کی وجہ سے ہندوستان دنیا کی پانچویں بڑی معیشت کے طور پر ابھرا ہے اور آج ہم ایک عالمی طاقت ہیں۔ بھارت 21ویں صدی کی قیادت کرے گا جو ایشیا کی صدی ہوگی۔ مرکزی حکومت کے دور اندیش منصوبوں اور اعداد و شمار کا حوالہ دیتے ہوئے انہوں نے کہا کہ ہندوستان کے سابق صدر ڈاکٹر اے پی جے عبدالکلام نے کہا تھا کہ ملک تب ترقی کرے گا جب ہمارے ملک کے 25 کروڑ سے زیادہ بچے تعلیم حاصل کر کے نہ صرف قابل بلکہ با کردار بھی بنیں گے۔ تب ملک خود بخود ایک ترقی یافتہ ملک بن جائے گا، اس لیے یہ آپ سب کی ذمہ داری ہے کہ 2047 تک ہندوستان کو ایک ترقی یافتہ ملک بنانے میں اپنا کردار ادا کریں۔ اس موقع پر مرکزی وزیر مملکت نے ایک پیڑ ماں کے نام مہم کے تحت یونیورسٹی کیمپس میں پودا بھی لگایا اور اس موقع پر ہر ایک سے فطرت کی حفاظت اور فروغ کی اپیل بھی کی۔ رانچی کے اپنے ایک روزہ دورے کے دوران وزیر مملکت نے جھارکھنڈ کے گورنر سے بھی ملاقات کی۔ اس موقع پر نوجوانوں کے امور اور کھیلوں کی وزارت کی ڈائریکٹر روچتر نارائن تیاگی، نہرو یووا کیندر جھارکھنڈ کی ڈائریکٹر للیتا کماری اور ڈاکٹر شیاما پرساد مکھرجی یونیورسٹی کے رجسٹرار کے علاوہ رانچی کے دیگر شہری بھی موجود تھے۔
