مدھو پور اسٹیشن کی کریو لابی اور سنٹرل کیبن کا معائنہ کیا
جدید بھارت نیوز سروس
مدھو پور، 4اکتوبر: مدھو پور آسنسول ریلوے ڈویژن کے ڈی آر ایم چیتناند سنگھ نے جمعہ کو مدھو پور ریلوے اسٹیشن اور سنٹرل کیبن کی کریو لابی کا معائنہ کیا۔ انہوں نے ریلوے کی جائیدادوں کا بھی جائزہ لیا۔ اس دوران ڈی آر ایم چیتنانند سنگھ نے افسران کو اسٹیشن احاطے بشمول گارڈ اور ڈرائیور عملہ، لابی روم، ریسٹ روم، ویٹنگ روم، ریٹائرنگ روم، سلبھ کمپلیکس کے احاطے کی سیکورٹی سے متعلق ضروری ہدایات دیں۔ اس موقع پر ڈی آر ایم چیتانند سنگھ نے کہا کہ ریلوے کی وزارت مسافروں کی سہولت کے لیے سنجیدہ ہے اور ریلوے کی وزارت نے مدھو پور میں مسافروں کی سہولت کے لیے 46 کروڑ روپے کی منظوری دی ہے۔ انہوں نے کہا کہ جلد ہی گڈا تا آنند وہار ٹرین اس روٹ پر چلے گی اور مدھو پور اسٹیشن پر اسٹاپیج بھی ہوگا۔ اس موقع پر سینئرڈی ای ای،سینئرڈی ایم ای اویناش کمار، سینئرڈی این 2 وندنا سنہا، آر پی ایف کمانڈنٹ راہل راج،اسٹیشن منیجر ایس کے پاٹھک، ٹی آئی روی شیکھر، امردیپ کمار، کمار ابھیمانیو، آر پی ایف انسپکٹر ہریندر کمار سنگھ کے علاوہ دیگر افسران اور ریلوے اہلکار موجود تھے۔
