دوحہ، 04 اکتوبر (یو این آئی) قطر کے امیر تمیم بن حمد الثانی نے اسرائیلی حملے سے متاثرہ لبنانی عوام کو انسانی بنیادوں پر امداد فراہم کرنے کا حکم دیا ہے۔مسٹر تمیم بن حمد الثانی نے جمعرات کے روز قطر میں ایشیا کوآپریشن ڈائیلاگ کے سربراہی اجلاس کے بعد کہا، “میں نے تمام بے گھر افراد اور لڑائی کے متاثرین کو انسانی اور ہنگامی امداد فراہم کرنے کیلئے اقدامات کا حکم دیا ہے۔ میں یہ تاکید کرتا ہوں کہ قطر لبنان اور اس کے مشرب لوگوں پر حملوں کے خلاف لڑائی میں لبنان کی مکمل حمایت کرتا ہے۔”واضح رہے کہ اسرائیل نے پیر کے روز لبنان کے جنوب میں حزب اللہ کے خلاف زمینی کارروائی شروع کی تھی جب کہ فضائی حملے جاری تھے۔ لبنان کے قائم مقام وزیر اعظم نجیب میقاتی نے بدھ کے روز کہا کہ شامی مہاجرین سمیت تقریباً 12 لاکھ افراد بے گھر ہو چکے ہیں۔ لبنان کے وزیر صحت فراس ابیاد نے جمعرات کے روز کہا کہ اسرائیلی بمباری میں 1,974 لوگوں کی موت اور 9,384 دیگر زخمی ہوئے ہيں۔
