سپریم کورٹ کا ہائی کورٹ کے فیصلے میں مداخلت کرنے سے انکار
کلکتہ 24ستمبر (یواین آئی) اسکول سروس کمیشن نے ہائر پرائمری میں 14,000سے زیادہ آسامیوں پرتقرری جاری رکھی ہے۔سپریم کورٹ نے آج کلکتہ ہائی کورٹ کے فیصلے کو برقرار رکھا۔ منگل کو چیف جسٹس ڈی وائی چندر چوڑ، جسٹس جے بی پارڈی والا اور جسٹس منوج مشرا کی بنچ نے کہا کہ سپریم کورٹ اب ہائی کورٹ کے حکم میں مداخلت نہیں کر رہی ہے۔ہائی کورٹ نے 14 ہزار سے زائد آسامیوں پر تقرری کا حکم دیاتھا۔ کئی امیدواروں نے سپریم کورٹ سے رجوع کیا اور دعویٰ کیا کہ یہ حکم ریزرویشن پالیسی کے خلاف ہے۔ اس کے نتیجے میں 14000 امیدواروںکی تقرری ایک بار پھر التوا کا شکار ہوگئی تھی ۔منگل کو سپریم کورٹ کے چیف جسٹس بنچ نے کہا کہ فریشرز کی درخواستوں پر سماعت نہیں کی جائے گی۔28 اگست کو جسٹس تپوبرتا چکرورتی اور جسٹس پارتھا سارتھی چٹوپادھیائے کی ڈویژن بنچ نے ایس ایس سی کو اپر پرائمری میں نئی میرٹ لسٹ شائع کرنے کی ہدایت دی۔ اس کی بنیاد پر وہ کونسلنگ کریں گے اور نوکری کا تقرر کریں گے۔ عدالت کے فیصلے کے نتیجے میں، SSC نے تقریباً 8 سال بعد14,250آسامیوں پر بھرتی کرنا شروع کیا۔ اس دوران سپریم کورٹ میں ایک بار پھر کیس دائر کیا گیا۔2015 سے اپر پرائمری کی بھرتی کا عمل معطل ہے۔ ہائی کورٹ کے حکم سے بھرتی کا یہ عمل بار بار معطل ہوتا رہا ہے۔ 2020 میں ہائی کورٹ نے بھرتی کے عمل کو کالعدم قرار دیا تھا ۔ اس کے بعد ہائی کورٹ نے پینل کو 2023 میں شائع کرنے کی اجازت دی۔ ڈویژن بنچ نے پھر کہا کہ پینل شائع کیا جا سکتا ہے، لیکن ایس ایس سی تقرری کے لیے کسی کی سفارش نہیں کر سکتا ہے۔ اس کے بعد کیس نئے ڈویژن بنچ کے پاس جاتا ہے۔ اس سلسلے میں 18 جولائی کو جسٹس تپوبرتا چکرورتی اور جسٹس پارتھا سارتھی چٹوپادھیائے کی ڈویژن بنچ میں سماعت ختم ہوئی۔ فیصلہ 28 اگست کو سنایا گیا۔ہائی کورٹ میں ایک مقدمہ دائر کیا گیا تھا جس میں اپر پرائمری کی بھرتی کے عمل میں متعدد غلطیوں کا الزام لگایا گیا تھا۔ 2023 میں صرف مفروضوں کی بنیاد پر13,46افراد کو انٹرویو کے عمل سے مبینہ طور پر خارج کر دیا گیا۔ درخواست گزاروں کا کہنا تھا کہ اس فیصلے کے پیچھے کی وجوہات امیدواروں کو نہیں بتایا گیا ۔پیر کو ایس ایس سی نے ہائر پرائمری 2016 کی میرٹ لسٹ کی اشاعت کا اعلان کیا تھا۔ نوٹیفکیشن میں بتایا گیا کہ میرٹ لسٹ آئندہ بدھ 25 ستمبر کو شائع کی جائے گی۔ 10 فیصد نشستیں عارضی اساتذہ کے لیے مختص کی جائیں گی۔ باقی امیدواروں کی میرٹ لسٹ جاری کی جائے گی۔ تاہم امیدواروں کا مطالبہ ہے کہ نہ صرف میرٹ لسٹ شائع کی جائے بلکہ بھرتی کا عمل بھی جلد شروع کیا جائے۔
