’ہم اپنا خون دینے کے لیے تیار، لیکن بنگال میں این آر سی کا نفاذ قبول نہیں‘، بی جے پی کو ممتا بنرجی کا چیلنج
مغربی بنگال کی وزیر اعلیٰ ممتا بنرجی اس بات سے بے حد ناراض نظر آ رہی ہیں کہ بڑی تعداد میں ریاستی عوام کا آدھار کارڈ غیر فعال ہو گیا ہے۔ پیر کے روز انھوں نے دعویٰ کیا کہ ریاست میں لوک سبھا انتخاب سے قبل درج فہرست ذات، درج فہرست قبائل اور اقلیتوں کے آدھار کارڈ غیر فعال کیے جا رہے ہیں۔ انھوں نے مرکزی حکومت پر الزام عائد کیا کہ قومی شہری رجسٹر (این آر سی) لانے سے پہلے ایسا سازش کے تحت کیا جا رہا ہے، لیکن میں ایسا ہونے نہیں دوں گی۔ ممتا بنرجی نے لوگوں کو بھروسہ دلایا کہ وہ بنگال کو آدھار کارڈ کا نیا متبادل پیش کریں گے۔ انھوں نے یہ بھی وعدہ کیا کہ مغربی بنگال میں این آر سی کسی بھی حال میں نافذ نہیں ہونے دیا جائے گا۔
83 سبکدوش نوکرشاہوں نے اتراکھنڈ حکومت کو لکھا خط، ہلدوانی واقعہ کی غیر جانبدارانہ جانچ کا مطالبہ
ممتا بنرجی نے این آر سی سے متعلق آج مرکز کی مودی حکومت کو تنقید کا نشانہ بنایا اور کہا کہ ’’میں بی جے پی سے پوچھتی ہوں کہ وہ یہ گندہ کھیل کیوں کھیل رہے ہیں؟ وہ لوگوں کا جمہوری حق، ضرورت مندوں کا حق چھین رہے ہیں۔‘‘ پھر وہ کہتی ہیں کہ ’’ہم بنگال میں این آر سی نافذ نہیں ہونے دیں گے۔ ہم اپنا خون دینے کے لیے تیار ہیں لیکن بنگال میں کسی بھی شخص کو باہر نہیں جانے دیں گے۔‘‘
#WATCH पश्चिम बंगाल CM ममता बनर्जी ने कहा, “मैं भाजपा से पूछती हूं कि वे यह गंदा खेल क्यों खेल रहे हैं?… वे लोगों का लोकतांत्रिक अधिकार, लाभार्थियों का अधिकार छीन रहे हैं, हम बंगाल में NRC लागू नहीं होने देंगे। हम अपना खून देने के लिए तैयार हैं लेकिन हम बंगाल के किसी भी व्यक्ति… pic.twitter.com/zn7ApnZvpX
— ANI_HindiNews (@AHindinews) February 19, 2024
ممتا بنرجی نے میڈیا سے بات چیت کے دوران آدھار کی غیر فعالیت سے متعلق معاملہ پر کہا کہ بنگال میں لوک سبھا انتخاب سے قبل بڑی تعداد میں آدھار کارڈ کیوں غیر فعال کیے جا رہے ہیں۔ خاص طور سے متوا طبقہ کے ساتھ ایسا ہو رہا ہے۔ ہزاروں نام ہٹائے جا رہے ہیں۔ آخر ان لوگوں (بی جے پی والوں) کا منصوبہ کیا ہے۔ کیا یہاں یہ ڈٹینشن کیمپ بنانا چاہتے ہیں۔ جن متوا طبقہ کے ساتھ یہ کیا جا رہا ہے، وہ کھیتوں میں کام کرنے والے غریب مزدور ہیں۔
چنڈی گڑھ میئر الیکشن: ریٹرننگ افسر نے سپریم کورٹ میں کیا اعترافِ جرم! کل دوپہر پھر ہوگی سماعت
اس درمیان ممتا بنرجی نے وزیر اعظم نریندر مودی کو ایک خط لکھا ہے۔ اس خط میں انھوں نے کہا ہے کہ ’’میں مغربی بنگال میں خاص طور سے ایس سی، ایس ٹی اور او بی سی طبقات کو نشانہ بنا کر آدھار کارڈوں کو لاپروائی سے غیر فعال کرنے کی سخت مذمت کرتی ہوں۔ ہم سبھی ہندوستان کے شہری ہیں۔ ہر شہری مغربی بنگال حکومت کے فلاحی منصوبوں کا فائدہ اٹھا سکتا ہے، بھلے ہی ان کے پاس آدھار کارڈ ہو یا نہ ہو۔‘‘
