جدید بھارت نیوز سروس
گوڈا، 21 نومبر:۔ گوڈا پولیس نے انگریزی شراب کی ایک بڑی کھیپ (1360 بوتلیں) برآمد کی ہے جسے غیر قانونی طور پر جھارکھنڈ سے بہار لے جایا جا رہا تھا۔ یہ واقعہ موتیہ تھانہ علاقہ کے کھٹنائی موڑ پر منگل کی رات پیش آیا۔ پولیس کو خفیہ اطلاع ملی کہ اسمگلر کالے رنگ کی اسکارپیو پر بڑی مقدار میں انگریزی شراب لوڈ کر کے بہار لے جا رہے ہیں۔ پولیس متحرک ہو گئی اور گوڈا بنکا (بہار) کی سرحد پر کھٹنائی کے قریب بنائے گئے بین ریاستی چیک پوائنٹ پر سختی سے گاڑیوں کی چیکنگ شروع کر دی۔ کالے رنگ کی اسکارپیو گاڑی جیسے ہی چیک پوائنٹ پر پہنچی، پولیس کو دیکھ کر اس کا رخ املو گاؤں کی طرف ہوگیا اور چوکی سے پہلے ہی تیز دوڑنا شروع کردیا۔ پولیس نے پیچھا کیا اور امڈکنولی کے سامنے پرتاپ پور ہاٹ کے قریب اسکارپیو کو پکڑ لیا۔ ڈرائیور سمیت دیگر افراد اندھیرے کا فائدہ اٹھاتے ہوئے فرار ہونے میں کامیاب ہو گئے۔ گاڑی کی تلاشی لی گئی تو اس میں کارٹونوں سے بھری غیر قانونی شراب کی کئی بوتلیں برآمد ہوئیں۔ کارٹون سے کل 1360 شراب کی بوتلیں برآمد ہوئیں۔ پولیس نے گاڑی سمیت شراب قبضے میں لے کر تھانے لے گئی۔ معاملے میں ایف آئی آر درج کر لی گئی ہے۔
