کیرالہ میں کانگریس کی برتری برقرار

ترواننت پورم، 4 مئی (یو این آئی) کیرالہ اسمبلی انتخابات کی ووٹوں کی گنتی کے دوران دوپہر تین بجے تک سامنے آنے والے نتائج اور رجحانات میں کانگریس نے واضح برتری برقرار رکھی ہے۔140 رکنی اسمبلی کے مطابق کانگریس 20 نشستیں جیت چکی ہے اور 44 پر آگے ہے، اس طرح اس کا مجموعہ 64 ہو گیا ہے۔ دوسری جانب مارکسی کمیونسٹ پارٹی (سی پی آئی ایم) 9 نشستیں جیت کر 17 پر آگے ہے (کل 26)۔دیگر جماعتوں میں انڈین یونین مسلم لیگ 2 نشستیں جیت کر 20 پر آگے ہے (کل 22)، جب کہ کمیونسٹ پارٹی آف انڈیا (سی پی آئی) 3 نشستیں جیت کر 5 پر آگے ہے (کل 8)۔ اسی طرح کیرالا کانگریس (کے ای سی) 2 جیت کر 5 پر آگے (کل 7) اور ریولوشنری سوشلسٹ پارٹی (آر ایس پی) 2 جیت کر ایک پر آگے ہے (کل 3)۔اس کے علاوہ بھارتیہ جنتا پارٹی کسی نشست پر کامیاب نہیں ہو سکی تاہم 2 نشستوں پر آگے ہے، جب کہ دیگر/آزاد امیدوار 10 نشستوں پر برتری حاصل کیے ہوئے ہیں۔ مجموعی طور پر 39 نشستوں کے نتائج آ چکے ہیں اور 101 نشستوں پر رجحانات جاری ہیں۔