کابینہ توسیع کے بعد وزیر اعلیٰ سمراٹ چودھری نے نتیش کمار سے ملاقات کی

جدید بھارت نیوز سروس
پٹنہ، 8 مئی:بہار میں ریاستی کابینہ کی توسیع اور محکموں کی تقسیم کے بعد وزیر اعلی سمراٹ چودھری نے جمعہ کے روز سابق وزیر اعلی اور جے ڈی یو کے قومی صدر نتیش کمار سے ایک رسمی ملاقات کی۔ وزیر اعلی سمراٹ چودھری جمعہ کے روز 7 سرکلر روڈ واقع نتیش کمار کی رہائش گاہ پر گئے۔ دونوں وہاں ملے اور تقریباً ا?دھا گھنٹہ ساتھ گزارا۔ سمجھا جا رہا ہیکہ نتیش کمار اور سمراٹ چودھری نے قلمدانوں کی تقسیم اور دیگر سیاسی معاملات سے متعلق اہم معاملات پر تبادلہ خیال کیا۔ یہ ملاقات تقریباً 30 منٹ تک جاری رہی۔نتیش کمار کے بیٹے نشانت کو بھی کابینہ کی توسیع میں وزیر بنایا گیا ہے۔ انہیں محکمہ صحت کی ذمہ داری دی گئی ہے۔ اس کے علاوہ جے ڈی یو کے کوٹے سے کئی دیگر وزراء کو کلیدی قلمدان دیے گئے ہیں۔ نتیش کمار اور سمراٹ چودھری نے ان مسائل پر اہم بات چیت کی ہے۔قابل ذکر ہے کہ وزیر اعلیٰ سمراٹ چودھری وزیر اعلیٰ بننے کے بعد سے ہر چند دنوں میں سابق وزیر اعلیٰ نتیش کمار سے ملاقات کر رہے ہیں۔ حال ہی میں کابینہ کی فہرست کے ساتھ دہلی سے پٹنہ واپس آنے پر انہوں نے فوراً نتیش کمار سے ملاقات کی۔ اس وقت للن سنگھ بھی موجود تھے۔ سمجھا جا رہا ہے کہ سمراٹ چودھری بہار میں نیشنل ڈیموکریٹک الائنس (این ڈی اے) کی حکومت کو مکمل طور پر متوازن کر رہے ہیں۔