بھوٹان کے بادشاہ اورماریشس کے وزیر خارجہ نے منموہن سنگھ کی آخری رسومات میں شرکت کی

نئی دہلی، 28 دسمبر (یو این آئی) بھوٹان کے بادشاہ اور ماریشس کے وزیر خارجہ سابق وزیر اعظم منموہن سنگھ کی آخری رسومات میں شرکت کے لیے یہاں پہنچے ۔ذرائع کے مطابق بھوٹان کے بادشاہ جگمے کھیسار نامگیل وانگچک اور ماریشس کے خارجہ امور، علاقائی یکجہتی اور بین الاقوامی تجارت کے وزیر دھننجے رام پھل سابق وزیر اعظم منموہن سنگھ کی آخری رسومات میں شرکت کی ۔سابق وزیر اعظم منموہن سنگھ کا جمعرات کی رات آل انڈیا انسٹی ٹیوٹ آف میڈیکل سائنسز (ایمس) میں انتقال ہوگیا۔ ان کی آخری رسومات آج قومی دارالحکومت دہلی کے نگم بودھ گھاٹ پر ادا کی گئیں ۔