وزیر اعلیٰ کی پيسا قانون پر اعلیٰ سطحی میٹنگ

جدید بھارت نیوز سروس
رانچی، 15 ستمبر:۔ جھارکھنڈ کے وزیر اعلیٰ ہیمنت سورین نے سینئر افسران کے ساتھ میٹنگ کی جس کا مقصد پيسا قانون کے نفاذ کو مضبوط بنانا تھا تاکہ ریاست کے شیڈیولڈ ایریاز میں روایتی مقامی خود حکمرانی اور قبائلی برادریوں کی سماجی و اقتصادی ترقی کو فروغ دیا جا سکے۔وزیر اعلیٰ نے کہا کہ پيسا قانون کی شقوں کا نفاذ اس طرح ہونا چاہیے کہ گرام سبھاؤں کو دی جانے والی اختیارات اور حقوق کو مضبوط کیا جائے اور قبائلی کمیونٹی کی بااختیاری یقینی بنائی جائے۔میٹنگ میں جھارکھنڈ پيسا ضابطہ کے مختلف پہلوؤں پر تفصیلی تبادلۂ خیال ہوا اور اس کے مؤثر نفاذ کے لیے اہم ہدایات دی گئیں۔