دھنکڑنے منموہن کو خراج عقیدت پیش کیا

نئی دہلی، 27 دسمبر (یو این آئی) نائب صدر جمہوریہ جگدیپ دھنکڑنے سابق وزیر اعظم ڈاکٹر منموہن سنگھ کو ان کی رہائش گاہ پہنچ کر خراج عقیدت پیش کیا۔اس موقع پر مسٹر دھنکڑکی اہلیہ ڈاکٹر سدیش دھنکڑ بھی ان کے ساتھ تھیں۔ نائب صدر نے ڈاکٹر سنگھ کی اہلیہ اور خاندان کے دیگر افراد سے بات کی اور انہیں تسلی دی۔ڈاکٹر سنگھ کا کل دیر شام نئی دہلی کے آل انڈیا انسٹی ٹیوٹ آف میڈیکل سائنسز (ایمس) میں انتقال ہوگیا تھا۔ ان کی جسد خاکی کو آخری دیدار کے لیے قومی دارالحکومت دہلی میں واقع ان کی رہائش گاہ پر رکھا گیا ہے۔