جدید بھارت نیوز سروس
رانچی،28؍مارچ: آج، ریاست کے وزیر خزانہ، رادھا کرشنا کشور نے گورنر نیز جھارکھنڈ ریاست کی یونیورسٹیوں کے چانسلر، سنتوش کمار گنگوار سے راج بھون میں ملاقات کی اور نیلامبر پیتامبر پلاموں کی عمارت کی تعمیر میں معیار اور بے ضابطگیوں کی تحقیقات کرانے کے لیے گورنر کا شکریہ ادا کیا۔اس موقع پر انہوں نے قصوروار افسران جیسے رجسٹرار انچارج، ڈین اسٹوڈنٹ ویلفیئر، سی سی ڈی سی اور پراکٹر وغیرہ کے خلاف فوری کارروائی کرنے پر زور دیا جو تحقیقات میں قصوروار پائے گئے۔ انہوں نے یونیورسٹی کی عمارت کی تعمیر سے متعلق معیار اور دیگر بے ضابطگیوں کی تحقیقات کے لیے ایک آزاد ایجنسی کی درخواست کی۔قابل ذکر ہے کہ 13 فروری 2025 کو رادھا کرشن کشور، وزیر، جھارکھنڈ حکومت نے، نیلامبر- پیتامبر یونیورسٹی، پلامو کی عمارت کی تعمیر کے معیار کو لے کر گورنر سے شکایت کی تھی۔ اس کا فوری نوٹس لیتے ہوئے گورنر نے 3 رکنی انکوائری کمیٹی تشکیل دی جس نے جائے وقوعہ کا معائنہ کیا، مختلف بے ضابطگیوں کی چھان بین کی اور اپنی رپورٹ گورنر کو پیش کی۔ رپورٹ کے مطابق تعمیراتی کام منظور شدہ تخمینہ کے مطابق نہ ہونے اور ٹھیکیدار کی جانب سے کام کم معیار کا پایا گیا۔اس موقع پر وزیر خزانہ نے گورنر کو 25-2024 کے لیے ریاست کے محصولات کی وصولی اور ریاست کے ترقیاتی منصوبوں کے بارے میں بھی معلومات فراہم کیں۔
وزیر خزانہ نے راج بھون میں گورنر سے ملاقات کی
