کھیلو انڈیا ’اسمتا ایسٹ زون‘ کی میزبانی جھارکھنڈ کو ملنے کا امکان

جدید بھارت نیوز سروس
رانچی، 12 دسمبر: کھیلوں کی سرگرمیوں میں خواتین کی حوصلہ افزائی کے لیے کھیلو انڈیا “اسمتا ایسٹ زون” کی میزبانی جھارکھنڈ کو ملنے کا امکان ہے۔ اس سلسلے میں جھارکھنڈ ایمیچیور اسپورٹس کِک باکسنگ ایسوسی ایشن کے صدر وِنے سنہا دیپو نے قومی صدر سنتوش اگروال سے دہلی میں کِک باکسنگ کے ہیڈکوارٹر میں ملاقات کی اور تفصیلی گفتگو کی۔اس مقابلے میں تقریباً 12 ریاستوں سے قومی اور بین الاقوامی سطح کی تقریباً 1000 خواتین کھلاڑیوں کے حصہ لینے کا امکان ہے۔ صوبائی صدر وِنے سنہا دیپو نے کہا کہ اس تقریب سے جھارکھنڈ میں کِک باکسنگ کو مزید فروغ ملے گا اور فاتح کھلاڑیوں کو قومی مقابلے میں کھیلنے کا موقع ملے گا۔ دیپو نے بتایا کہ یہ مقابلہ ممکنہ طور پر رانچی میں منعقد ہونے کی توقع ہے۔