سوگتا رائے کے بیان پر ہنگامہ
کولکتہ13اکتوبر : درگاپور واقعہ پر وزیراعلیٰ ممتا بنرجی نے اتوار کو منہ کھولا تھااور مشورہ دیا تھا کہ لڑکیوں کو رات گئے جنگل جیسی جگہوں پر نہیں جانا چاہیے۔اب دم دم سے ترنمول ایم پی سوگتا رائے نے تقریباً یہی تبصرہ کیا ہے۔ انہوں نے یہ بھی مشورہ دیا کہ لڑکیاں رات کو کالج سے باہر نہ جائیں۔انہوںنے کہا، ”آپ کو رات کو کالج سے باہر نہیں جانا چاہیے۔پولیس ہر جگہ پہرہ نہیں دے سکتی۔اس لیے محتاط رہنے کی ضرورت ہے۔انہوں نے یہ بھی کہا، “ہر انچ پر سیکورٹی فراہم نہیں کی جا سکتی۔اب ہر گلی میں پولیس نہیں ہو سکتی۔کوئی واقعہ رونما ہونے کے بعد پولیس کارروائی کر سکتی ہے۔وہ بڑے چوراہوں پر سیکورٹی فراہم کر سکتے ہیں۔لیکن ہر جگہ پولیس سیکیورٹی فراہم کرنا ممکن نہیں ہے۔ سی سی ٹی وی فوٹیج کے مطابق جہاں متاثرہ خاتون میڈیسن پڑھ رہی تھی، معلوم ہوا ہے کہ متاثرہ لڑکی اور اس کا ہم جماعت شام 7 بج کر 58 منٹ پر وہاں سے نکلے۔پھر رات 8:42 بجے متاثرہ کے دوست کو اکیلے اندر داخل ہوتے دیکھا گیا۔پھر کیمپس کے بیرونی گیٹ کے سامنے پانچ چھ منٹ تک گھومنے کے بعد وہ واپس جائے وقوعہ کی طرف چلا گیا۔پھر 9:29 بجے، وہ دونوں (متاثرہ اور اس کی ہم جماعت) واپس آئے۔ اور رات 9:32 پر لڑکی اکیلی ہاسٹل میں داخل ہوئی۔تاہم، سلی گڑی کے بی جے پی ایم ایل اے شنکر گھوش نے سوگت کے تبصروں کا جواب دیا ہے۔انہوں نے کہا کہ خواتین کو گھر کے اندر رکھنا ایک ذہنیت ہے۔اور یہی ذہنیت وزیر اعلیٰ اور رکن اسمبلی کے بیانات سے ظاہر ہوتی ہے۔اور کیا سوگت بابو کہہ سکتے ہیں کہ خواتین پر دن میں نہیں رات کو حملے ہوتے ہیں؟ تو سوال رات یا دن کا نہیں ہے۔میرے خیال میں تمام خواتین کو سڑکوں پر نکل کر احتجاج کرنے کی ضرورت ہے۔
