ہر بوتھ کے لیے 10 لاکھ روپے مختص، 8,000 کروڑ روپے کی سرمایہ کاری
علی پور دوار: وزیر اعلیٰ ممتا بنرجی نے کہا ہے کہ آ مادیر پاڑا، آمادیر سمادھان اسکیم کے تحت ہر بوتھ کو 10 لاکھ روپے مختص کیے گئے ہیں، جس سے مجموعی سرمایہ کاری تقریباً 8,000 کروڑ روپے بنتی ہے۔ اس پروگرام کو آفت سے متاثرہ اضلاع میں آدھار اور دیگر دستاویزات کے کام کو مکمل کرنے کے لیے بڑھایا جائے گا۔ممتا بنرجی نے کہا کہ ان کی ترجیح راحت اور تعمیر نو ہے، سیاست نہیں۔ اسکیم کے تحت 90 فیصد بوتھ مکمل ہو چکے ہیں، اور 22 ملین سے زیادہ افراد نے ان مراکز کا دورہ کیا ہے۔ پریس ریلیز کے مطابق، 3 نومبر 2025 تک 31,700 سے زائد کیمپوں کا انعقاد کیا جائے گا، جن میں سے اب تک 28,299 کیمپ لگائے جا چکے ہیں، اور تقریباً 90 فیصد پولنگ اسٹیشن شامل ہیں۔ریاست بھر میں اب تک 28,000 سے زیادہ سمادھان کیمپ لگائے جا چکے ہیں۔22 ملین سے زیادہ لوگوں نے ان کیمپوں میں شرکت کی۔8000کروڑ روپے سے زائد سرمایہ کاری کی گئی۔ان کیمپوں کے ذریعے شہریوں کو موقع ملا کہ وہ اپنے مقامی مسائل اور ترقیاتی ضروریات براہ راست حکومت تک پہنچائیں۔ اس سے نہ صرف شکایات کے حل میں تیزی آئی بلکہ حکومت نے ترجیحی بنیادوں پر اقدامات کیے۔ ہر مرکز کے لیے 10 لاکھ روپے مختص کیے گئے ہیں، جس سے عوام کی سہولت اور تعمیر نو کے کام کو فروغ ملا۔ترنمول کانگریس (ٹی ایم سی) نے دعویٰ کیا ہے کہ تمل ناڈو حکومت نے مغربی بنگال حکومت کی عوام پر مبنی اسکیم ‘آمادیر پاڑا، آمادیر سمادھان سے متاثر ہو کر اپنی مہم ‘نمما اورو، نمما آراسو شروع کی ہے۔ ٹی ایم سی کے مطابق، یہ اسکیم شراکتی حکمرانی کا بہترین ماڈل ہے، جس سے نہ صرف عوامی شکایات کا ازالہ ہوا بلکہ لوگوں کا حکومت پر اعتماد بھی مضبوط ہوا ہے۔
