چند سیکنڈ کے طوفان میں کلیانی اور چندن نگر تباہ،گھروں کی چھتیں اڑ گئیں

کولکاتا3اکتوبر: جمعہ کی صبح 1 منٹ کے طوفان نے ہرینگھاٹہ کے برہی اور ہگلی کے چندن نگر میں تباہی مچادی۔ سب سے زیادہ نقصان نادیہ میں ہوا۔ 10 سے 12 مکانات گر گئے۔ طوفان سے ٹین کی چھتیں اڑ گئیں۔ کاشتکاری کو بھی نقصان پہنچا۔ اس کے بعد صبح 11 بجے کے قریب ہرینگھٹا میں تیز بارش شروع ہو گئی۔ ایسی قدرتی آفت سے گائوں والے خوفزدہ ہیں۔جمعہ کی صبح تقریباً پانچ بجے ہرینگھٹا بلاک کے برہی 2 گرام پنچایت کے تحت نارائن پور میں طوفان نے کئی گائوں کو اپنی لپیٹ میں لے لیا۔ طوفان سے کئی مکانات کی دیواریں گر گئیں۔ پورا علاقہ تباہ ہو گیا۔ کیلے کی کاشت کو بڑے پیمانے پر نقصان پہنچا۔ دوسری کاشت کو بھی نقصان پہنچا۔ 'اچانک طوفان سے متاثر ہونے والے گائوں والے کسی طرح سے نمٹنے کی کوشش کر رہے ہیں۔ اس وقت آسمان سیاہ ہوگیا اور بارش برسی۔ جس سے مزید نقصان ہوا۔ شہریوں کا کہنا ہے کہ فرنیچر سمیت متعدد سامان کو نقصان پہنچا۔ ان کا دعویٰ ہے کہ انہوں نے یہ 'سائیکلون امفان سے زیادہ خوفناک دیکھا۔