کولکاتہ: بھرت پور سے ترنمول ایم ایل اے ہمایوں کبیر نے مرشد آباد کے لالگولا علاقے میں جاری ندی کے کٹاؤ کے مسئلے پر وزیر اعلیٰ ممتا بنرجی اور اپوزیشن لیڈر شویھندو ادھیکاری پر تنقید کی ہے۔ کبیر نے الزام لگایا کہ شمالی بنگال میں سیلاب اور قدرتی آفات کے وقت دونوں رہنما موقع پر پہنچ جاتے ہیں، لیکن لالگولا میں تین ماہ سے دریا کے کٹاؤ پر کسی کی توجہ نہیں ہے۔کبیر نے نمائندہ سے بات کرتے ہوئے کہا، مقامی اور مرکزی عوامی نمائندے ذمہ داری سے گریز کریں گے، لیکن وقت آنے پر عوام اس کا جواب دیں گے۔اس پر مرکزی وزیر مملکت برائے تعلیم اور بی جے پی کے رکن پارلیمنٹ ڈاکٹر سکانت مجمدار نے ردعمل دیتے ہوئے کہا کہ اگر انہیں واقعی اتنی شکایتیں ہیں تو وہ ترنمول میں کیوں ہیں۔ ترنمول کانگریس کے ترجمان اروپ چکرورتی نے وضاحت کی کہ یہ ایم ایل اے کا ذاتی موقف ہے، نہ کہ پارٹی کا سرکاری بیان۔یہ پہلا موقع نہیں ہے جب ہمایوں کبیر نے پارٹی لائن سے ہٹ کر بیان دیا ہے اور انہیں اس پر پہلے بھی تنبیہ کی جا چکی ہے۔
