سی ایم ممتا بنرجی نے دہلی اور نوئیڈا کے کل 70 پوجا کمیٹیوں کوبھیجے تحائف
جدید بھارت نیوز سروس
کولکاتا،28 ستمبر: وزیر اعلیٰ ممتا بنرجی نے اس سال ایک نئی پہل کرتے ہوئے نہ صرف مغربی بنگال بلکہ دہلی-این سی آر سمیت دیگر ریاستوں میں درگا پوجا کی تقریبات کے لیے مبارکباد اور مٹھائیاں بھیجی ہیں۔ذرائع کے مطابق یہ خصوصی تحفہ دہلی، نوئیڈا، گروگرام اور غازی آباد کی کل 70 پوجا کمیٹیوں کو بھیجا گیا ہے۔ وزیر اعلیٰ کی طرف سے مبارکبادی کارڈ اور مٹھائی کے ڈبوں کو نئی دہلی میں سی آر پارک کالی مندر، میلہ گراؤنڈ، کرول باغ، نوئیڈا کالی باڑی اور اندرا پورم جیسے اہم پوجا مقامات پر پہنچا دیا گیا ہے۔ دہلی کے ریزیڈنٹ کمشنر کے دفتر کے ذریعے بھیجے گئے اور مہا چترتھی کے مبارک موقع پر منتظمین کے حوالے کیے گئے۔ ڈپٹی ریذیڈنٹ کمشنر شاشوت دا نے بتایا کہ اتوار تک این سی آر کی تمام 70 کمیٹیوں کو یہ تحائف پہنچائے جائیں گے۔نوئیڈا کالی باڑی کے کوآرڈینیٹر انوپم بندیوپادھیائے نے اسے ایک بے مثال اعزاز قرار دیتے ہوئے کہا کہ اپنے مصروف شیڈول کے باوجود وزیر اعلیٰ نے اپنی عبادت کو ترجیح دے کر بنگالیوں کے حوصلے بلند کیے ہیں۔ یہ اقدام نہ صرف بنگالی باشندوں کے ان کی ثقافت سے تعلق کو تسلیم کرتا ہے بلکہ مستقبل کے منتظمین کو نئی تحریک بھی فراہم کرتا ہے۔
