بہار کے بعد اب بنگال کی باری ہے: گری راج سنگھ”

کولکاتہ: بیگوسرائے سے بی جے پی کے رکن پارلیمنٹ اور مرکزی کپڑا وزیر گری راج سنگھ نے میڈیا سے بات کرتے ہوئے کہا، ’’میں پہلے دن سے کہہ رہا تھا کہ این ڈی اے کی حکومت بنے گی۔ رجحانات بھی یہی دکھا رہے تھے اور نتیجہ بھی سامنے آ چکا ہے۔ یہ جیت ہماری ہے، اور اب بنگال کی باری ہے۔
انہوں نے کہا کہ جو لوگ بہار کو سمجھتے ہیں وہ جانتے ہیں کہ یہاں کے لوگ ’جنگل راج‘ نہیں چاہتے۔ گری راج سنگھ نے کہا کہ آج کے نوجوان شاید ’جنگل راج‘ کا تجربہ نہیں جانتے، لیکن ان کے بزرگوں نے اسے بھگتا ہے۔ انہوں نے واضح کہا، ’’بہار کبھی بھی ان بدعنوان لیڈروں کے ہاتھوں میں نہیں جائے گا۔گری راج سنگھ نے دعویٰ کیا کہ بنگال میں بھی بی جے پی کی جیت یقینی ہے۔ ان کا کہنا تھا کہ وہاں کی موجودہ حکومت بدانتظامی اور بیرونی اثرات سے گھری ہوئی ہے، لیکن بنگال کے لوگ آخرکار سچائی کو ضرور پہچانیں گے۔بی جے پی لیڈر نے مزید کہا کہ نوجوانوں کو شاید ’جنگل راج‘ کی حقیقت کا پتہ نہ ہو، لیکن ان کے خاندانوں کے بڑے اس دور کے گواہ رہے ہیں۔ انہوں نے کہا کہ ’’بنگال کی موجودہ حکومت انتشار کا شکار ہے، مگر عوام جلد ہی اصل حقیقت کو سمجھ جائیں گے۔