ابھیشیک بنرجی کا بی جے پی اور الیکشن کمیشن پر بڑا حملہ

ایس آئی آر حکمت عملی مکمل ناکام

جدید بھارت نیوز سروس
کولکاتہ:ترنمول کانگریس کے قومی جنرل سکریٹری ابھیشیک بنرجی نے ایک بار پھر بی جے پی اور اس کی مرکزی حکومت پر سخت تنقید کی ہے۔ انہوں نے الزام لگایا کہ بی جے پی اپنی ناکامیوں کو چھپانے کے لیے پرانے نوٹیفکیشنز کو ری سائیکل کر کے عوام کو گمراہ کرنے کی کوشش کر رہی ہے۔ ابھیشیک کے مطابق، بی جے پی کی یہی حرکت ثابت کرتی ہے کہ مرکزی حکومت اور الیکشن کمیشن کی مشترکہ SIR حکمت عملی عوام میں پوری طرح ناکام ہو چکی ہے۔مرکزی حکومت کی مشینری، الیکشن کمیشن، ای ڈی، سی بی آئی، انکم ٹیکس ڈیپارٹمنٹ، مرکزی فورسز، اپنے زیر اثر میڈیا، حتیٰ کہ عدالتوں کے کچھ “آسان” حصوں تک—لیکن اس کے باوجود وہ جانتے ہیں کہ بنگال ایک بار پھر انہیں شکست دینے جا رہا ہے، اور یہ مینڈیٹ 2021 سے بھی بڑا ہوگا۔ابھیشیک بنرجی نے بی جے پی لیڈروں کو چیلنج دیتے ہوئے پوچھا کہ کیا ان میں ان کی باتوں کا سیدھا جواب دینے کی ہمت ہے، یا وہ ہمیشہ کی طرح پرانے پروپیگنڈے، فیک بیانیے اور ریاستی طاقت کے پیچھے چھپتے رہیں گے؟ ان کے مطابق سچائی اب چھپی نہیں رہ سکتی، اور عوام بی جے پی کی ہر کوشش کو غور سے دیکھ رہے ہیں۔
انہوں نے یہ بھی واضح کیا کہ بنگال کے لوگ جھوٹے پروپیگنڈے اور دباؤ کی سیاست سے مرعوب ہونے والے نہیں۔ انہوں نے کہا کہ ریاست کے عوام جمہوریت اور اپنے حقوق کے تحفظ کے لیے پہلے کی طرح مضبوطی سے کھڑے ہیں، اور آنے والا وقت اس بات کا ثبوت دے گا۔ابھیشیک کا پیغام صاف تھا“بنگال جھکے گا نہیں، سچ بولے گا۔اور سچ بی جے پی کو ایک بار پھر شکست دے گا۔”