ابھیشیک بنرجی نے سندربن کی تنظیمی ضلعی قیادت کے ساتھ میٹنگ میں کہا

جدید بھارت نیوز سروس
کولکاتا12ستمبر : سننے میں آرہا ہے کہ بنگال میں پوجا کے بعد ایس آئی آر کا عمل شروع ہوسکتا ہے۔ اس لیے ابھیشیک بنرجی نے کہا کہ پارٹی کو اس پر گہری نظر رکھنی چاہیے۔ جمعرات کو ترنمول آل انڈیا جنرل سکریٹری نے کامک اسٹریٹ پر واقع اپنے دفتر میں پارٹی کے سندربن تنظیمی ضلع سے متعلق ایک میٹنگ کی۔وہیں، انہوں نے ضلعی قیادت سے کہا کہ وہ اس پر کڑی نظر رکھیں۔ اس میٹنگ میں پارٹی کے ریاستی صدر سبرت بخشی بھی موجود تھے۔ اس کے ساتھ ہی ابھیشیک نے ووٹر لسٹ کے کام کو صحیح طریقے سے کرنے کو یقینی بنانے کے بارے میں ایک خاص پیغام بھی دیا۔رنمول کے آل انڈیا جنرل سکریٹری نے کہا ہے کہ ووٹر لسٹ پر کام جاری رکھا جانا چاہئے تاکہ ایک بھی درست ووٹر باہر نہ رہے۔ بعض علاقوں میں کئی تنازعات بار بار منظر عام پر آ چکے ہیں۔ خاص طور پر گوسابہ میں یہ مسئلہ مختلف اوقات میں خبروں میں رہا ہے۔ ابھیشیک نے بتایا کہ اس کے لیے گوسابا میں ایک کور کمیٹی بنائی جائے گی۔
اس کے علاوہ سب کو ہر معاملے میں مل جل کر کام کرنے کا پیغام دیا گیا ہے۔ اس کے ساتھ ہی ہارنے والے بوتھس کے تعلق سے ڈائمنڈ ہاربر کے ایم پی نے کہا کہ اب سے ان بوتھوں پر کام کیا جانا چاہئے۔ نقصانات کہاں اور کیوں ہوئے اس پر گہری نظر رکھنے کی ضرورت ہے۔