مدھو پور ۲۱؍اکتوبر: ضلع پولیس کفتان کی ہدایت پر مدھو پور تھانہ کی پولیس نے پیر کو گریڈیہ -مدھو پور مین روڈ کے پمپو تالاب کے قریب آئندہ اسمبلی انتخابات کے سلسلے میں انسداد جرائم کی گاڑیوں کی چیکنگ مہم چلائی۔ اس دوران پولیس نے موٹر سائیکلوں اور کاروں کو روک کر سڑک پر آنے اور جانے والے ڈرائیوروں کے لائسنس، انشورنس اور دیگر دستاویزات کی جانچ پڑتال کی۔ بہت سے ڈرائیوروں کو یہ بھی ہدایت دی گئی کہ وہ بغیر ہیلمٹ کے بائیک نہ چلائیں،بصورت دیگر دوبارہ پکڑے جانے پر جرمانہ عائد کیا جائے گا۔ پولیس نے بتایا کہ تہوار اور سڑک حادثات اور جرائم کی روک تھام کے لیے انسداد جرائم کے تحت گاڑیوں کی چیکنگ کی جارہی ہے۔ ایس آئی شیت لال برلا اور ایس آئی آر ایس موندری کی مشترکہ قیادت میں گاڑیوں کی چیکنگ مہم چلائی گئی۔ دوران تفتیش لوگوں کے ہیلمٹ اور گاڑیوں کے کاغذات چیک کیے گئے۔ چار پہیوں میں سفر کرنے والے افراد کی سیٹ بیلٹ اور ٹرنک چیک کیے گئے، وہیںمحدود تعداد سے زائد افراد کے ساتھ سفر کرنے والے ڈرائیوروں کو سخت ہدایات کے بعد رہا کر دیا گیا۔ پولیس اہلکار موقع پر موجود تھے۔
