National

سیاحت کی مرکزی وزارت کی سودیشی درشن اسکیم کے تحت پنجاب کے دو شہر امرتسر اور کپورتھلا کو بھی شامل کیا گیا

146views

سیاحت کی مرکزی وزارت کی سودیشی درشن 2.0 اسکیم کے تحت تاریخی اور مذہبی اعتبار سے اہمیت کے حامل 15 ریاستوں کے 30 شہروں میں پنجاب کے دو شہر امرتسر اور کپورتھلا کو بھی شامل کیا گیا ہے۔ اس سے پہلے سن2018-19 میں سری آنندپور صاحب ، سری فتح گڑھ صاحب، Cham Kaur صاحب ، فیروز پور ، کھٹکر کلاں ، پٹیالہ اور کلا نور کو ، اس اسکیم میں شامل کیا گیا تھا۔

مرکزی حکومت کی سودیشی درشن اسکیم کا مقصد تاریخی اور مذہبی اعتبار سے اہمیت کے حامل شہروں میں بہتر بنیادی سہولت فراہم کرنا اور سیاحوں کے سفر کو خوشگوار اور یادگار بنانا ہے۔ اس اسکیم کے تحت پنجاب کے امرتسر اور کپورتھلا شہروں میں ترقیاتی کاموں پر 70 کروڑ روپے خرچ کئے جائیں گے۔ حکومت کی کوشش ہے کہ وہ اس بات کو یقینی بنائے کہ ان شہروں میں سیاح زیادہ عرصے رکیں اور تاریخی و ثقافتی ورثے کے بارے میں تفصیلی معلومات حاصل کریں۔ 

اس اقدام سے یقینا ان شہروں میں سیاحت کی صنعت کو تقویت حاصل ہوگی۔

Follow us on Google News
Jadeed Bharat
www.jadeedbharat.com – The site publishes reliable news from around the world to the public, the website presents timely news on politics, views, commentary, campus, business, sports, entertainment, technology and world news.