پارلیمنٹ کے گزشتہ سرمائی اجلاس میں کئی اراکین پارلیمنٹ کی معطلی کا پروانہ جاری کیا گیا تھا۔ بیشتر اراکین پارلیمنٹ کی معطلی سرمائی اجلاس تک کے لیے ہی تھی، اور کچھ معطل اراکین پارلیمنٹ کا معاملہ استحقاق کمیٹی پر چھوڑ دیا گیا تھا۔ اب لوک سبھا کی استحقاق کمیٹی نے کانگریس کے تین لوک سبھا اراکین کی معطلی واپس لینے کا فیصلہ کیا ہے۔ یہ تینوں اپوزیشن اراکین پارلیمنٹ آج کمیٹی کے سامنے پیش ہوئے تھے۔
لوک سبھا انتخابات: مذہب کی ترقی نہیں ملک کی ترقی ہماری ترجیح ہونی چاہئے… سید خرم رضا
کانگریس کے جن تین لوک سبھا اراکین کی معطلی واپس لینے کا فیصلہ کیا گیا ہے، ان کے نام عبدالخالق، ڈاکٹر کے جئے کمار اور وجئے کمار عرف وجئے بسنت ہیں۔ استحقاق کمیٹی نے تینوں کی معطلی واپس لینے کا فیصلہ کرتے ہوئے رپورٹ اسپیکر کو بھیجنے کا راستہ ہموار کر دیا ہے۔ میڈیا رپورٹس کے مطابق تینوں اراکین پارلیمنٹ نے ایوان میں اپنے سلوک پر افسوس ظاہر کیا اور کہا کہ آئندہ ایسا رویہ نہیں ہوگا۔
Cte. on Privileges met today under the Chairpersonship of Shri @SunilSingh_BJP , MP to take oral evidence of MPs (LS) on their suspension from service of the House and also to take evidence of MPs (LS) & other stakeholders on issues related to the breach of privileges of Member. pic.twitter.com/IofnpoXVJw
— LOK SABHA (@LokSabhaSectt) January 12, 2024
واضح رہے کہ 18 دسمبر کو پارلیمنٹ میں غیر اخلاقی رویہ کے الزام میں مذکورہ تینوں اراکین پارلیمنٹ کو لوک سبھا اسپیکر اوم برلا نے معطل کر دیا تھا۔ سرمائی اجلاس کے دوران لوک سبھا اور راجیہ سبھا سے مجموعی طور پر 146 اراکین کو معطل کیا گیا تھا۔ ان میں سے 132 اجلاس ختم ہونے تک کے لیے معطل کیے گئے تھے، جبکہ لوک سبھا کے 3 اور راجیہ سبھا کے 11 اراکین کو استحقاق کمیٹی کی رپورٹ آنے تک کے لیے معطل کیا گیا تھا۔ لوک سبھا کے 3 اراکین کی معطلی واپس لینے کا فیصلہ تو ہو چکا ہے، راجیہ سبھا کے 11 اراکین سے متعلق فیصلہ راجیہ سبھا کی استحقاق کمیٹی کی میٹنگ میں لیا جائے گا۔
