جھارکھنڈ کے گورنر نے ہوائی اڈے پر والہانہ استقبال کیا
جدید بھارت نیوز سروس
رانچی، 14 فروری:۔ صدر جمہوریہ ہند دروپدی مرمو جمعہ کی شام 4.50 بجے رانچی ایئرپورٹ گئیں۔ یہاں ریاست کے گورنر سنتوش گنگوار، وزیر شلپی نیہا ترکی، جھارکھنڈ کے ڈی جی پی، سٹی ایس پی اور ریاست کے اعلیٰ حکام نے ان کا استقبال کیا۔ صدر جمہوریہ ہند برسا منڈا ایئرپورٹ سے وہ سیدھی راج بھون روانہ ہو گئیں۔ اس دوران سکیورٹی کے سخت انتظامات کیے گئے تھے۔ راج بھون اور اس کے آس پاس کے علاقوں میں چوکسی بڑھا دی گئی ہے۔ قابل ذکر ہے کہ صدر جمہویہ دو روزہ دورے پر دارالحکومت رانچی آئیں ہیں۔ وہ سنیچر کے روز بی آئی ٹی میسرا کے یوم تاسیس کے پروگرام میں شرکت کریں گی۔
بی آئی ٹی کے یوم تاسیس میں مہمان خصوصی ہوں گی
قابل ذکر ہے کہ صدر جمہوریہ ہند محترمہ دروپدی مرمو برلا انسٹی ٹیوٹ آف ٹیکنالوجی(بی آئی ٹی) میسرا کی پلاٹینم جوبلی تقریب کی مہمان خصوصی ہوں گی۔ یہاں وہ انسٹی ٹیوٹ کے آڈیٹوریم میں منعقدہ تحقیقی نمائش کم ڈسپلے کا افتتاح بھی کریں گی۔ پروگرام میں شرکت کے بعد وہ برسا منڈا ہوائی اڈے سے سیدھے دہلی کے لیے روانہ ہوں گی۔
رانچی میں سکیورٹی کے سخت انتظام
صدر کی آمد کے حوالے سے دارالحکومت میں مختلف مقامات پر بیریکیڈنگ کی گئی ہے۔ کئی مقامات پر ڈراپ گیٹ بنائے گئے ہیں۔ اس وقت دارالحکومت کے ہر سڑک چوراہے پر ریاستی فوجیوں کے ساتھ اعلیٰ اہلکار موجود ہیں۔ خاص طور پر راج بھون اور اس کے آس پاس کے علاقوں میں حفاظتی انتظامات سخت ہیں۔ ان کی حفاظت کی ذمہ داری 10 آئی پی ایس افسران کے ہاتھ میں ہے۔ مجموعی طور پر 2500 پولیس اہلکاروں کو تعینات کیا گیا ہے۔ 14 اور 15 اکتوبر کے لیے ٹریفک انتظامات میں تبدیلیاں کی گئی ہیں۔ جمعہ کی رات آٹھ بجے سے شہر میں بڑی گاڑیوں کا داخلہ ممنوع ہے۔
