پٹنہ: بہار کے سابق نائب وزیر اعلیٰ اور آر جے ڈی صدر لالو پرساد کے بیٹے تیجسوی یادو منگل کو پٹنہ میں انفورسمنٹ ڈائریکٹوریٹ (ای ڈی) کے دفتر پہنچے۔ ای ڈی کے عہدیدار ان سے لینڈ فار جاب (زمین کے عوض ملازمت) معاملے میں پوچھ گچھ کریں گے۔
تیجسوی کے یہاں پہنچنے سے پہلے بڑی تعداد میں آر جے ڈی کارکن ای ڈی کے دفتر پہنچ چکے تھے۔ کارکنوں نے ان کی گاڑی کو روکنے کی کوشش بھی کی۔ اس دوران کارکنوں نے شدید نعرے بازی کی۔
دہلی میں کم از کم درجہ حرارت 8.7 ڈگری سیلسیس، اے کیو آئی ’انتہائی خراب‘
تیجسوی کے ساتھ سابق وزیر شیام رجک، قانون ساز کونسلر سنیل کمار سنگھ، شکتی یادو سمیت کئی لوگ یہاں پہنچے۔ قانون ساز کونسلر سنگھ نے کہا کہ لالو پرساد کے خاندان کو ہراساں کیا جا رہا ہے۔ حکومت گرتے ہی ای ڈی کے اہلکار پہنچ گئے۔
انہوں نے بتایا کہ لالو پرساد کا گردہ ٹرانسپلانٹ ہوا تھا اور ان سے 10 گھنٹے تک پوچھ گچھ کی گئی۔ پیر کو تیجسوی کے والد اور آر جے ڈی کے صدر لالو پرساد سے بھی ای ڈی حکام نے پوچھ گچھ کی۔ ذرائع کے مطابق افسران نے 10 گھنٹے کی پوچھ گچھ کے دوران لالو یادو سے تقریباً 50 سوالات پوچھے۔
وڈودرا کشتی حادثہ: مزید 4 افراد کی گرفتاری، اب تک کل 13 گرفتار
گزشتہ روز بھی جب لالو پرساد سے پوچھ گچھ کی جا رہی تھی تو ان کے حامی بڑی تعداد میں ای ڈی کے دفتر میں جمع ہو گئے تھے اور مرکزی وزیر داخلہ امت شاہ، بی جے پی اور بہار کے وزیر اعلی نتیش کمار کے خلاف نعرے بازی کی۔
لالو پرساد کی بڑی بیٹی اور راجیہ سبھا کی رکن میسا بھارتی نے کہا، “ملک پر حکومت کرنے والے لوگ سرکاری ایجنسیوں کا غلط استعمال کر رہے ہیں۔ انہوں نے ایک بیمار کو 10 گھنٹے تک ای ڈی کے دفتر میں رہنے پر مجبور کیا۔ میں دو سے تین بار دوا دینے کے لیے اندر گئی۔‘‘
