69views
جدید بھارت نیوز سروس
رانچی، 18 اکتوبر:۔ سپریم کورٹ نے جھارکھنڈ ہائی کورٹ کے اس حکم پر روک لگا دی ہے، جس میں جھارکھنڈ ہائی کورٹ نے دھنباد میں کوئلہ چوری اور اس میں پولیس کے ملوث ہونے کی سی بی آئی جانچ کا حکم دیا تھا۔ 3 اکتوبر کو سی بی آئی کو ان تمام پولیس افسران کے خلاف تحقیقات کرنے کی ہدایت دی گئی جو اس معاملے میں ملزم تھے۔ ہائی کورٹ کے اس حکم کے خلاف ریاستی حکومت نے سپریم کورٹ سے رجوع کیا تھا۔ جمعہ کو ریاستی حکومت کی درخواست پر سماعت کرتے ہوئے سپریم کورٹ نے ہائی کورٹ کے حکم پر روک لگا دی ہے۔ سپریم کورٹ کے حکم امتناعی کے بعد اب سی بی آئی دھنباد میں مبینہ کوئلہ چوری اور اس میں پولیس کے ملوث ہونے کی تحقیقات نہیں کر پائے گی۔
