تمیم اقبال نے خیر خواہوں سے اظہار تشکر کیا

ڈھاکہ، 29 مارچ (یواین آئی) بنگلہ دیش کے سابق کپتان تمیم اقبال نے ان تمام خیر خواہوں کا شکریہ ادا کیا ہے جنہوں نے بیماری کے مشکل وقت میں ان کی صحت یابی کے لیے دعائیں کیں۔تمیم کو پیر کے روز دل کا دورہ پڑا تھا، جس کے بعد انہیں انجیوپلاسٹی کے لیے اسپتال میں داخل کرایا گیا تھا۔ جمعہ کو اسپتال سے ڈسچارج ہونے کے بعد انہوں نے فیس بک پر اپنے خیر خواہوں کا شکریہ اداجنوری 2025 میں بین الاقوامی کرکٹ سے ریٹائرمنٹ لینے کے باوجود تمیم اب بھی ڈومیسٹک کرکٹ کھیل رہے ہیں۔ وہ ڈھاکہ پریمیئر ڈویژن کرکٹ لیگ کے ایک میچ میں شینےپوکور کرکٹ کلب کے خلاف محمڈن اسپورٹنگ کلب کی قیادت کر رہے تھے، جب ٹاس کے فوراً بعد انہیں طبیعت میں بے چینی محسوس ہوئی۔ ابتدائی علاج کے لیے انہیں مقامی اسپتال لے جایا گیا، لیکن حالت بگڑنے پر پیر کو انہیں انجیوپلاسٹی کے لیے لے جایا گیا۔ چار دن بعد، جمعہ کو تمیم کو اسپتال سے چھٹی دے دی گئی اور انہوں نے اس مشکل وقت میں ساتھ دینے والے تمام لوگوں کا شکریہ ادا کیا۔کیا۔اپنے فیس بک پیج پر بنگلہ زبان میں پوسٹ کیے گئے پیغام میں تمیم نے کہا، “آپ سب کی دعاؤں کی بدولت میں اب گھر پر ہوں۔ ان چار دنوں میں میں نے اپنے ارد گرد کے ماحول کو سمجھا ہے اور ایک نئی زندگی پائی ہے۔ اس احساس میں صرف محبت اور شکرگزاری ہے۔ مجھے اپنے پورے کیریئر میں آپ سب کی محبت ملی ہے، لیکن اب میں نے اسے اور بھی زیادہ شدت سے محسوس کیا ہے۔ میں واقعی جذباتی ہوں۔”انہوں نے طبی عملے، اسپتال کے عملے، ساتھیوں اور ان تمام افراد کا بھی تہہ دل سے شکریہ ادا کیا جنہوں نے ان کی صحت یابی میں اہم کردار ادا کیا۔